Хаартыска: Үлэ, социальнай сайдыы министиэристибэтин пресс-сулууспата.
Атырдьах ыйыгар «Берегиня» дьиэ кэргэҥҥэ иитиигэ көмөлөһөр киин Намнааҕы салаата кыра дохуоттаах дьоҥҥо мүөттээх ыҥырыалары иитии туһунан интэриэһинэй маастар-кылааһы ыытта.
Ол курдук, Хатырык нэһилиэгэр баар Поповтар пасекаларыгар сырыттылар. Мүөттээх ыҥырыалары иитиинэн дьарыктанар урбаанньыт Семен Иванович элбэҕи кэпсээтэ, көрдөрдө. Пасеканы хайдах тэриммиттэриттэн саҕалаан, бэйэни хайдах харыстанары, ыҥырыалар олохторун, дьиэлэрин, мүөтү ыларга туох тиэхиньикэни туһанарын, о.д.а. уопутун үллэһиннэ. Кини урут уонна билигин мүөтү хайдах хачайдыылларын көрдөрдө. Баҕалаах дьон бэйэлэрэ боруобалаан, тутан-хабан көрдүлэр.
Маастар-кылаас саамай кыра кыттааччыта — Нам сэлиэнньэтиттэн кэлбит Даниил Сивцев кыра эрдэҕиттэн ыҥырыалар олохторун үөрэтэр, интэриэһиргиир, научнай үлэнэн дьарыктанар. Кини барытын интэриэһиргээн көрдө-иһиттэ, буруолатта даҕаны, мүөтү хачайдааһыҥҥа да кытынна. Онон кини инники чинчийиитигэр, үлэтигэр-хамнаһыгар бу сырыыта олус туһалаах буолуоҕа.
Бу маастар-кылааска мүөттээх ыҥырыаны иитиэхтэрин баҕарар дьон сырыттылар. Семен Иванович кинилэри сибиэһэй мүөтүнэн күндүлээтэ, элбэх сүбэни-аманы биэрдэ. Даниилга бааҥка мүөтү биэрэн үөртэ, ситиһиилэри баҕарда.
Хатырык нэһилиэгин дьаһалтата уонна дьахтар сэбиэтэ «Үрдүк Иирэ» этнографическай-архитектурнай комплекска сырытыннардылар. Маастар-кылааска сылдьыбыт дьон тэрийээччилэргэ олус махтаннылар.
Үлэ, социальнай сайдыы министиэристибэтин пресс-сулууспата.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …