«Патриот» киин Дьокуускайга ахсынньы 15 күнүгэр арыллыаҕа

Ахсынньы 15 күнүгэр Дьокуускайга «Патриот» киин арыллыаҕа. Бу ыччакка улахан суолталаах киин буолар. Бу туһунан «Актуальное интервью» биэриигэ СӨ ыччат дьыалаларыгар уонна социальнай коммуникацияларга миниистирэ Петр Шамаев иһитиннэрдэ.

«Киин сүрүн соруга — патриотическай хамсааһыны сайыннарыы, ыччат сайдарыгар усулуобуйаны тэрийии буолар. Киин көхтөөх ыччакка дьиҥнээх дьиэнэн буолуоҕа. Манна кинилэр идиэйэлэрин атастаһар, сүбэлэһэр, бырайыактарын олоххо киллэрэр буолуохтара», — диэтэ кини.

Маны сэргэ, Петр Шамаев оройуоннарга ыччат бэлиитикэтин сайыннарыы наадалааҕын ыйда, ол курдук төрөөбүт дойдуларыгар ыччаты олохсутуу туһуттан үчүгэй усулуобуйа тэриллиэхтээҕин бэлиэтээтэ.