Ил Дархан, бырабыыталыстыба дьаһалтатын пресс-сулууспата.
Бу күннэргэ Москваҕа үөрэх, сырдатыы уонна култуура эйгэтигэр патриотическай иитэр үлэни тэрийээччилэргэ аналлаах үөрэтэр сэминээр ыытылла турар. Арассыыйаттан 30-тан тахса биллэр-көстөр спикер кыттар. Сэминээргэ Уһук Илинтэн 250-тэн тахса бэрэстэбиитэл кэллэ. Саха сириттэн дэлэгээссийэ баран кытта сылдьар. Оттон онлайн көрүҥүнэн 2500 киһи быһа холбонно. Сэминээр үлэтин РФ бэрэсидьиэнин боломуочуйалаах бэрэстэбиитэлэ Юрий Трутнев иилиир-саҕалыыр.
Пленарнай сиэссийэҕэ билигин үгүстэри долгутар боппуруостары ырыттылар. Манна бэрэсидьиэн Уһук Илиҥҥэ боломуочуйалаах бэрэстэбиитэлин солбуйааччы Григорий Куранов, РФ бэрэсидьиэнин сүбэһитэ Владимир Толстой, политолог, Үрдүкү экэниэмикэ оскуолатын бэрэпиэссэрэ Марат Баширов, фантаст-суруйааччы Сергей Лукьяненко, суруйааччы, педагог Андрей Геласимов, фантаст-суруйааччы Роман Злотников кытыннылар.
Кэпсэтиигэ култуура эйгэтигэр баар кыһалҕалары таарыйдылар. Чуолаан, дойдуттан куоппут култуура үлэһиттэригэр сыһыан туһунан кэпсэттилэр. Владимир Толстой этэринэн, дойдуттан куоппут киһини антах тиийдэҕинэ, Арассыыйа бэлитиичэскэй эрэсиимин кириитикэлиир, дойдутун үөҕэр этиилэри оҥороругар күһэйэллэр. “Арассыыйаҕа олоруон, үлэлиэн баҕалаах дьон олордуннар, үлэлээтиннэр. Хаматова курдуктарга миэстэ суох”, — диэн кини эттэ.
Григорий Куранов этэринэн, үгүс айар дьон куттанан куотарга күһэллэллэр. Куттал ааспытын кэннэ, төннүөхтэрин баҕараллар. Кини маннык дьоҥҥо Ийэ дойдуга, норуокка тапталы тылынан буолбакка, дьыаланан дакаастыырга ыҥырда. “Бааһырбыттар госпиталларыгар кэлэн, кэнсиэр оҥордуннар, байыаннай дьайыы кыттыылаахтарыгар харчынан көмөлөстүннэр. Холобур, Меладзе мөлүйүөнүнэн үбү ыыттаҕына да, мин киниэхэ итэҕэйиэм суоҕа эрээри, дьоҥҥо көмөнү оҥордун ээ”, — диэн кини эттэ.
Пленарнай сиэссийэ кыттыылаахтара айар үлэлэринэн Ийэ дойдуларын көмүскүү сылдьар дьоммутугар көмөлөһөр, санааларын көтөҕөр култуура диэйэтэллэрин өйүүр наадалаах диэн түмүккэ кэллилэр. Арассыыйаҕа талааннаах дьон элбэх. Барбыт дьон бардаҕа.
Ил Дархан, бырабыыталыстыба дьаһалтатын пресс-сулууспата.
Бүгүн, тохсунньу 15 күнүгэр, Дьокуускай куоракка Арассыыйа футболга сүүмэрдэммит хамаандатын экс-хапытаана Алексей Смертин кэллэ. СӨ…
Үс күн устата барбыт В.П.Ларионов аатынан өрөспүүбүлүкэтээҕи “Инникигэ хардыы” 30-c төгүлүн ыытыллар кэмпириэнсийэ-күөн күрэс түмүктэннэ.…
Дьокуускай куоракка полицейскайдар тутуу биригээдэтин үлэһитэ электроинструменнары уорууга уорбаланарын быһаардылар. Полиция 1-кы нүөмэрдээх отделын дьуһуурунай…
Тохсунньу 14 күнүгэр Уус Маайа улууһун Белькачи сэлиэнньэтин кулууба умайан эрэрин туһунан суһал иһитиннэрии баһаарынай-быыһыыр…
В.П.Ларионов аатынан өрөспүүбүлүкэтээҕи “Инникигэ хардыы” 30-c төгүлүн ыытыллар кэмпириэнсийэ-күөн күрэс түмүктэннэ, кыайыылаахтар ааттара билиннэ. Быйыл…
Бүгүн, тохсунньу 15 күнүгэр, Дьокуускай куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
