"Биир ньыгыл Арассыыйа" баартыйа пресс-сулууспата
Саха сиригэр «Оҕо успуорда» федеральнай бырайыак чэрчитинэн тэриллибит патриотическай ис хоһоонноох успуорт туһунан киинэлэри көрдөрүү саҕаланна.
Киинэлэр эдэр күрэсчиттэр дьоруойдуу хорсун быһыыларын кытта билиһиннэрэргэ уонна санааларын күүһүн бөҕөргөтөргө аналлаахтар. Сүбэлэнэр киинэлэр киэҥ каталогар Саха сирин да, Арассыыйа да режиссердарын 24 киинэлэрэ киирдэ. Кинилэр ортолоругар казах режиссера Канат Мустафин аатырбыт казах тустууга Кажымукан Мунайтпасов олоҕор уонна карьератыгар анаммыт «Тустуук. Кажымукан – аан дойду чөмпүйүөнэ» диэн киинэтэ эмиэ баар. Көрөөччүлэр ону таһынан «Диодорова. Сүүрүгү утары», «Триумф», «Зенит-44. Кыайыылаахтар кэмнэрэ», «Милаҥҥа утары» курдук успуорт туһунан кэпсиир атын айымньылары уонна киинэлэри көрүөхтэрэ. Маны таһынан испииһэккэ документальнай уонна уус-уран эрэ киинэлэр буолбакка, анимационнай киинэлэр эмиэ киирбиттэрин бэлиэтиэххэ наада, диэн «Биир ньыгыл Арассыыйа» баартыйа пресс-сулууспата иһитиннэрэр.
«Бүгүн биһиги дьиҥнээхтик суолталаах, култуурунай эрэ буолбакка, дириҥ патриотическай ис хоһоонноох бырайыагы арыйабыт. Успуорт – кыайыыга дьулуур уонна дойдуга бэриниилээхтик сулууспалааһын. Эһиги көрүөхтээх киинэлэргитигэр дьиҥнээх дьоруойдар уонна улуу ситиһиилэрин туһунан кэпсиэхтэрэ», – диэн «Биир ньыгыл Арассыыйа» баартыйа эрэгийиэннээҕи кэмитиэтин салайааччыта Надежда Селютина бэлиэтээтэ.
Киинэлэри биир ый устата өрөспүүбүлүкэ 14 киинэ тыйаатырыгар, ону таһынан «Саха» НКИХ ханаалыгар көрдөрүөхтэрэ.
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…