«Патриотическай» ТОР-га 26 тыһыынчаттан тахса FPV-дрон оҥоһулунна

Уһук Илиҥҥэ баар  «Патриотическай» ТОР-га   26 тыһыынчаттан тахса  FPV-дроннар уонна  беспилотниктар оҥоһуллубуттар. Бу туһунан ТАСС-ка РФ бырабыыталыстыбатын бэрэссэдээтэлин солбуйааччыта уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев кэпсээтэ.

Юрий Трутнев  бэлиэтээн эппитинэн, дойду баһылыга  Владимир Путин сорудаҕынан,  2023 сылга  «Патриотическай» ТОР-га   судаарыстыбаннай өйөбүл миэрэлэрэ оҥоһуллубуттар.  Тоҕус тумус тутуллар хайысха быһаарыллыбыт — FPV-дроннартан саҕалаан тепловизордарга тиийэ оҥорон таһаарыы.

Вице-премьер Уһук Илин оҥорон таһаарааччыларыгар  2023  сылга 1,8 млрд солк.,  2024 сылга  4,2 млрд солк. көрүллүбүтүн туһунан эттэ.   Бары преддприятиелар кытаанах сүүмэрдээһини ааһаллар, ол иһигэр  байыаннай дьайыы сиригэр тургутууну ааһаллар.

«Биһиги байыастар иннилэригэр ураты эппиэтинэһи сүгэбит. Өскөтүн биһиги тиэхиньикэ аҕаллахпытына, онтубут утарсааччы киэниттэн  быдан ордук буолуохтаах.  Бүтэһик сырыыга бу табылынна. Уһук Илиҥҥэ оҥоһуллубут тиэхиньикэ  хамандыырдар уонна байыаннай сулууспалаахтар үрдүк сыанабылларын ылла», — диэтэ Юрий Трутнев.

Сиһилии: https://www.sakha.gov.ru/news/13763