«Патриотическай» ТОР көмөтүнэн байыастарга «Тимир АТ» тиэхиньикэни тиэрдэллэр

«Зеленая Энергия» хампаанньа, «Якутия» ТОР резиденэ, Уһук Илиҥҥэ «Все для победы» номинация кыайыылааҕа байыастарга аныгы тырааныспары тиэрдиинэн дьарыктанар.

2024 сылтан саҕалаан хампаанньа байыаннай дьайыы зонатыгар 350 «Тимир АТ» электроматасыылыкы тиэрдибит. Уһук Илиннээҕи тэрилтэ оҥорон таһаарбыт тиэхиньикэтэ тепловизордарга көстүбэт, бааһырбыт байыастары таһарга, сир разведкатын ыытарга уонна да атын соруктары толорорго туһаныллар.

«Биһиги Арассыыйа саҥа эрэгийиэннэрин көмүскүүр Уһук Илиннээҕи байыастарбытыгар Саха сирин электроматасыыкылларын хас да төгүл тирэдибиппит. Тиэхиньикэ штурмовой бөлөхтөр эрэллээх көмөлөһөөччүлэрэ быһыытынан тургутуун үчүгэйдик аастылар. Тэрилтэ кыайыыга көмөтүн иһин “Всё для Победы” номинацияҕа «Уһук Илин сулуһа» бириэмийэнэн наҕараадаламмыта. Биһиги «Патриотическай» ТОР көмөтүнэн технологияны салгыы сайыннарыахпыт уонна байыастарбытыгар көмөлөһүөхпүт», – диэтэ РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин иһинэн боломучуйалаах бэрэстэбиитэлэ, «Уһук Илин сулуһа» уопсастыбаннай-дьыалабыай бириэмийэ дьүүллүүр сүбэтин бэрэссэдээтэлэ Юрий Трутнев.