Хаартыска: sakha.gov.ru
“Патриотическай”ТОР резиденнэрэ “Якт-Сокол Пикап 1.5” квадроцикллары уонна “Тимир Ат” электроматаһыыкыллары оҥорор Саха сирин хампаанньалара “ЯКТ-Сокол” уонна “Зеленая энергия” “Уһук Илин сулуһа” бириэмийэни туттулар.
Арассыыйа бырабыыталыстыбатыгар анал «уһук-илиҥҥи» уопсастыбаннай-дьыалабыай бириэмийэлэри РФ бырабыыталыстыбатын бэрэссэдээтэлин солбуйааччы — РФ бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, «Уһук Илин сулуһа» бириэмийэ дьүүллүүр сүбэтин бэрэссэдээтэлэ Юрий Трутнев туттарда. Бу туһунан Ил Дархан уонна бырабыыталыстыба пресс-сулууспата суруйар.
“Уһук Илиҥҥи уокурук мөлүйүөнүнэн олохтоохторо эрэгийиэннэрин сайыннарар үлэҕэ кытталлар. Оскуолаларга, балыыһаларга үлэлииллэр, хайа-байытар кэмбинээттэри туталлар. Барыларыгар махтаныахпын баҕарабын. Бүгүн үлэҕэ-хамнаска ордук улахан кылааты утумнаахтык киллэрэр дьоҥҥо бириэмийэни туттарабыт», — диэтэ Юрий Трутнев.
“ЯКТ-Сокол” ХЭТ 2023 сылтан байыаннай дьайыы буола турар сиригэр 363 “Якт-Сокол Пикап 1.5” квадроциклы оҥорон ыытта. “Зеленая энергия” хампаанньа оҥорор “Тимир Ат” электрическэй матаһыыкыла штурмовой бөлөх сэрииһиттэригэр эрэллээх көмөлөһөөччү быһыытынан бэйэтин көрдөрбүт. Арассыыйа сэбилэниилээх күүстэригэр 2024 сылтан байыаннай дьайыы зонатыгар 354 электратаһыыкыл туттарылынна.
“Фроҥҥа анаан “Тимир Ат” электроматаһыыкыллары хомуйар тэрилтэбит кэлэктиибин үлэтин үрдүктүк сыаналаабыккытыгар махтанабыт. Биһиги туох баар кыахпытынан салгыы байыаннай дьайыы байыастарын наадалаах тиэхиньикэнэн хааччыйарга бэлэммит. Барыта Кыайыы туһугар!», — диэн эттэ «Зеленая энергия» хампаанньа салайааччыта Пуд Тимофеев.
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…
Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар.…
Бу маннык ааттаах, айылҕаны харыстыырга ыҥырар аахсыйаны «АЛРОСА» хампаанньа экологическай киинэ 2018 сылтан тэрийэр. Бу…
Балаҕан ыйын 16 күнүгэр Дьокуускайга икки оҕону массыыналар түҥнэри көттүлэр -- Каландаришвили уулусса Ленин проспегын…
Дьокуускайга Сэргэлээххэ уһаайбалаах хаһаайын ыаллыы олорор киһитэ кинилэр ааһар суолларын бүөлээн, олбуор аанын туппутун туһунан…