Хаартыска: Мария Васильева, СИА.
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ.
“Патриотизм төрөөбүт дойдуга, дьиэ кэргэҥҥэ тапталтан, төрдү-ууһу, дойду култууратын, устуоруйатын билииттэн, сэҥээриттэн – кыраттан саҕаланар.
Үөрэх тэрилтэлэрэ бары, сокуоҥҥа олоҕуран оҕону, ыччаты патриотизм тыыныгар иитиинэн дьарыктаналлар. Биһиги оскуолабыт ордук байыаннай патриотизмы кытта ситимнээх. Онон бэйэбит салаабытынан сылы эргиччи байыаннай-успуорт, байыаннай-патриотическай хайысхалаах араас тэрээһиннэри ыытабыт. Олортон биир сүрүннэринэн өрөспүүбүлүкэтээҕи “Снежный барс” байыаннай оонньууну ааттыахха сөп. Түмүктүүр түһүмэххэ бастыҥтан бастыҥнар сүүмэрдэнэн, сыллата 200-тэн тахса оҕо кыттар. Маннык тэрээһиннэртэн оҕо патриотизм тыыныгар эмиэ иитиллэр.
Быйыл Аҕа дойду Улуу сэриитигэр Кыайыы 79 сылыгар аналлаах сүрүн тэрээһиммитинэн Кыайыы параада буолар. Ону таһынан, Кыайыы күнүн иитинэн ыытыллар бэтэрээннэри чиэстээһиҥҥэ, “Поем двором” аахсыйаҕа, о.д.а. тэрээһиннэргэ үгэс быһыытынан кыттабыт. Ыам ыйын 8 күнүгэр, Кыайыы болуоссатыгар Дьокуускай куораттааҕы Оҕо подростковай киинин, бииргэ үлэлэһэр тэрилтэлэрбитин кытта, куорат олохтоохторугар кыттыгас кэнсиэр көрдөрүөхпүт. Баҕалаах дьон кэлэн көрүөхтэрин сөп, — диэн эттэ.
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…
Саха сирэ Кытай Норуодунай Өрөспүүбүлүкэтин Цзянси провинциятын кытары доҕордуу сибээс туһунан Сөбүлэһии түһэристэ. Арассыыйа -…