Хаартыска: Анна Стручкова түһэриитэ
СӨ Тутууга уонна олорор дьиэҕэ-уокка судаарыстыба хонтуруоллуур управлениетын салайааччыта Павел Аргунов байыаннай эпэрээссийэ суолтатын, сыалын уонна байыаннай сулууспалаахтарга итиэннэ кинилэр дьиэ кэргэттэригэр баар үгүс боппуруостарга көмөлөһүү наадатын тустарынан санаатын үллэһиннэ.
— Байыаннай эпэрээссийэ арҕаа дойдулартан суоһуур кутталтан дойдубутун көмүскүүр сыалтан саҕаламмытын өйдүүбүт. Ити дойдулартан биһиэхэ суоһуур куттал улам улаатан иһиитэ биһиги маннык көмүскэнэр дьаһалы ылыныыбытыгар күһэйбитэ. Дипломатиянан, эйэлээх суолунан бу кыһалҕаны туоратыы кыаллыбата. Иккиһинэн, референдумнар түмүктэринэн Арассыыйаҕа түөрт саҥа эрэгийиэн эбилиннэ — ДНӨ, ЛНӨ, Херсонскай уонна Запорожскай уобаластар. Балары биһиги Киев эрэсиимин алдьатыылаах дьайыыларыттан көмүскүөхтээхпит.
Быстах ыҥырыынан байыаннай эпэрээссийэҕэ барбыт дьоммутугар, буойуттарбытыгар уонна кинилэр дьиэ кэргэттэригэр өйөбүл дьаһаллара салгыы олоххо киллэриллэ тураллар. Дьиэ кэргэттэр оҕо саадын иһин уонна оскуолаҕа оҕону аһатыы иһин төлөбүрдэртэн босхолоннулар, чэбдигирдэр лааҕырдарга путевканан уонна устудьуоннарга үрдэтиллибит истипиэндьийэнэн хааччылыннылар.
СӨ Тутууга уонна олорор дьиэҕэ-уокка судаарыстыба хонтуруоллуур управлениетын кэлэктиибэ байыаннай эпэрээссийэҕэ сылдьар буойуттар окуопа иһигэр туһаналларыгар анаан тыһыынчаттан тахса чүмэчини оҥорон бэлэмнээтэ. Маннык чүмэчи олус табыгастаах, буруолаабат, уһуннук умайар итиэннэ үчүгэйдик сылытар тэрил.
Кэлэктииппит олорор дьиэ-уот боппуруостарын кэтээн көрөр, хонтуруолга тутар чааһыгар байыаннай сулууспалаахтар дьиэ кэргэттэрин кыһалҕаларын быһаарыыга кытта олорор. Кинилэр биһиэхэ киллэрбит хас биирдии суруктарын ураты хонтуруолга тутаммыт, быһаарарга көмөлөһө сылдьабыт.
Биһиги дойдубут сэриилэһэр, көмүскэнэр уонна экэниэмикэбит саансыйалар усулуобуйаларыгар үлэлиир, сайдар кыахтааҕын үчүгэйдик көрдөрдө. Кыайыы хайаан да биһиэнэ буолуоҕа, тоҕо диэтэххэ, бу киирсии Арассыыйа бэйэтэ саныырынан дьаһанан дьоһуннук, көҥүллүк олорор кыаҕын, быраабын иһин бара турар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…