Хаартыска: Дьулустаан Сергеев, ЯСИА
Саха сирин аатырбыт мадьыныта Павел Черноградскай Словакияҕа түмүктэммит Европа чөмпүйэнээтигэр абсолютнай ыйааһыҥҥа кыһыл көмүс мэтээли ылан, муҥутуур кыайыылаах үрдүк аатын сүктэ.
Сэтинньи 9 күнүгэр Банска-Быстрица куоракка мас-рестлиҥҥэ Европа аһаҕас абсолютнай чөмпүйэнээтэ буолан ааста. Күрэхтэһии улахан атыы-эргиэн киинигэр тэриллибит буолан, саха төрүт көрүҥүн күүрээннээх киирсиилэрин сүүһүнэн киһи сэргии көрдө. 90 киилэҕэ диэри ыйааһыҥҥа аан дойду түөрт төгүллээх чөмпүйүөнэ Павел Черноградскай бары утарсааччыларын 2:0 ахсаанынан эрэллээхтик хотто. Кини кэккэлэһиннэрэн Словакия мадьынытын Жозеф Бувалуну, биир дойдулааҕын Айсиэн Мигалкины, оттон финалга кыргыз Медеткан уулу Эсенгуловы баһыйан, чөмпүйүөн үрдүк аатын ылла.
Санатан эттэххэ, Павел Черноградскай бу иннинэ бэйэтин ыйааһыныгар эмиэ Европа чөмпүйүөнэ буолбута. Бу ыйааһыҥҥа Саха сириттэн Айсиэн Мигалкин боруонса мэтээли ылары ситистэ. Кини бу иннинэ 70 киилэҕэ ситиһиилээхтик кыттыбыта. Үһүс миэстэ иһин киирсиигэ саха мадьыныта кыргызстантан сылдьар Бакыт уулу Романовы кыайда. 90 киилэттэн үөһэ ыйааһыҥҥа Калуга уобалаһыттан сылдьар Иван Галкин Европа абсолютнай чөмпүйүөнэ буолла. Кини кыһыл көмүс мэтээлгэ киирсиигэ быйылгы аан дойду чөмпүйэнээтигэр хотторбут Улукбек Ырысбаевтан реванш ылла, оттон финалга 2024 сыллааҕы аан дойду чөмпүйүөнэ, кыргыз Абдель Есангуловтан инники таҕыста. Оттон дьахталлартан абсолютнай кыайыылааҕынан Словакия мадьыныта Яна Васкова буолла.
Сэтинньи 11 уонна 12 күннэригэр Дьокуускайга А.Е. Кулаковскай аатынан Норуоттар доҕордоһууларын дьиэтигэр IV Өрөспүүбүлүкэтээҕи Этномедиапуорум…
2025 сыл саҕаланыаҕыттан “Предупреди пожар — установи АДПИ” социальнай аахсыйанан Саха сиригэр буруоттан сэрэтэр 3333…
Мииринэй оройуонун суута киин балыыһа бырааһын административнай ирдэбилин ылынна уонна олохтоох дьахтары күүһүнэн балыыһаҕа стационарнайдык…
Өрөспүүбүлүкэҕэ байыаннай дьайыы кыттыылаахтарын 747 төрөппүтэ санаторнай-курортнай эмтэниигэ көмөнү ылла. Бу туһунан СӨ Бырабыыталыстыбатын Бэрэссэдээтэлин…
ИДьМ үлэһиттэрэ ордук тарҕаммыт дьону-сэргэни албынныырга түөкүттэр туһанар сэттэ көрүҥ ньымаларын кэпсээтилэр. Ол иһигэр, үп-харчы…
«Дьокуускай куорат» уокуругун санитарнай-эпидемияны утары хамыыһыйатын сэтинньи 10 күнүнээҕи быһаарыытынан, үөрэх тэрилтэлэригэр 1-11 (12) кылаастарга…