Павел Маринычев АЛРОСА хампаанньа генеральнай дириэктэрин дуоһунаһыгар хандьыдаатынан туруорулунна
![](https://sakha-sire.ru/wp-content/uploads/2023/05/0e23b153607ca81ae422f221d6f9c23410353fef-e1684138489797-850x596.png)
Бу күннэргэ АЛРОСА хампаанньа Кэтээн көрөр сэбиэтэ Павел Маринычевы хампаанньа Генеральнай дириэктэрин – хампаанньа Бырабылыанньатын Бэрэссэдээтэлин дуоһунаһыгар хандьыдаат быһыытынан көрүөҕэ. Бу быһаарыы хампаанньа билиҥҥи генеральнай дириэктэрэ Сергей Иванов дуоһунаһыттан барарын кытта сибээстээх.
Сергей Иванов АЛРОСА хампаанньаны 2017 сыл кулун тутар ыйыттан салайан кэллэ. Кини салалтатынан хампаанньа атыытын ситимэ уларытыллыбыта, финансовай бэлиитикэтэ уларыйбыта, салайар хамаандата бөҕөргөөбүтэ. Ол түмүгэр хампаанньа үлэтигэр сөҕүмэр ситиһиилэммитэ, оҥорон таһаарыы таһымын үрдэппитэ.
Павел Маринычев хампаанньа биир тутаах салаатын “Анаабыр Алмаастара” хампаанньаны салайан саҕалаабыта. Бу иннинэ СӨ Бырабыыталыстыбатын бэрэссэдээтэлин бастакы солбуйааччытынан үлэлээбитэ, алта сыл устата сир баайын хостуур бырамыысыланнас, энэргиэтикэ, дьиэ уонна коммунальнай хаһаайыстыба, тутуу боппуруостарын быһаарыынан дьарыктаммыта. 2014 сылтан Арассыыйа Бэрэсидьиэнин кадровай резервэтигэр киирэр.
Сергей Иванов АЛРОСА Кэтээн көрөр сэбиэтигэр хампаанньаҕа үлэтин салгыаҕа, акционердары уонна салалтаны хампаанньа сайдыытын тутаах боппуруостарыгар сүбэлиир үлэнэн дьарыктаныаҕа.
Сообщить об опечатке
Текст, который будет отправлен нашим редакторам: