Салгыы
Павел Маринычев Саха сирин политехническай оскуолаларын үөрэнээччилэрин кытары көрүстэ

Павел Маринычев Саха сирин политехническай оскуолаларын үөрэнээччилэрин кытары көрүстэ

14.11.2022, 10:25
Бөлөххө киир:

Дьокуускай куорат 1 нүөмэрдээх оскуолатыгар үөһээ кылаас үөрэнээччилэрэ АЛРОСА бөлөх «Анаабыр алмаастара» хампаанньатын генеральнай дириэктэрэ Павел Маринычевы кытары көрүстүлэр.

Онлайн көрүҥүнэн ыытыллыбыт тэрээһиҥҥэ ону сэргэ Саха сирин политехническай үөрэҕин 10-тан тахса тэрилтэтин үөрэнээччилэрэ холбостулар.
Павел Маринычев көрсүһүүгэ хампаанньа бүгүҥҥү үлэтин-хамнаһын туһунан кэпсэээтэ. «Анаабыр алмаастара» аахсыйалаах хампаанньа, АЛРОСА бөлөҕүн алмааһы хостуур бөдөҥ хампаанньатын быһыытынан, өрөспүүбүлүкэ хайа-хостуур бырамыысыланнаһын флагманнарыттан биирдэстэринэн буолар уонна баайдаах сиргэ алмааһы хостуур тэрилтэлэр ортолоругар аан дойдуга инники иһэр. Хампаанньа өрөспүүбүлүкэ 4 улууһугар: Анаабырга, Булуҥҥа, Эдьигээҥҥэ уонна Өлөөҥҥө үлэлиир, геология чинчийиилэриттэн саҕалаан, бэлэм бородууксуйаны туттарыыга тиийэ алмааһы хостооһун үлэтин толору ыытар.


«Биһиги хампаанньабытыгар 2 тыһыынча кэриҥэ киһи үлэлиир. Үлэһиттэр 98% кэриҥэ – олохтоох каадырдар. Бу – тэрилтэ төрүттэниэҕиттэн талбыт тускулбут. Биһиги, АЛРОСА хампаанньаларыгар барытыгар курдук, өрөспүүбүлүкэ сиригэр-уотугар үлэлээн, бастатан туран, Саха сирин олохтоохторугар харчы өлөрөр кыаҕы биэриэхтээхпит дии саныыбыт. Биһиги үлэбит олус интэриэһинэй уонна кэскиллээх. Бастатан туран, биһиэхэ үлэлээн, дуоһунаска өрө тахсыахха сөп, хампааанньа салайааччылара бары кэриэтэ оҥорон таһаарыы үлэтиттэн саҕалаабыттара, онтон билигин сүрүн подразделениелары салайаллар. Иккиһинэн, биһиги саҥа технологиялары уонна матырыйааллары туһанабыт. Биһиэхэ аан дойдуга инники иһэр тиэхиньикэлэр үлэлииллэр», – диэн Павел Маринычев санаатын үллэһиннэ. Кини бэлиэтээн эппитинэн, «Анаабыр алмаастарыгар» орто хамнас, идэтиттэн уонна үлэһит разрядыттан тутулуктанан, ыйга 230 тыһыынча солкуобайга тэҥнэһэр. Баахта бөһүөлэктэригэр олорорго усулуобуйа барыта баар. Хас биирдии бөһүөлэк толору хааччыллыылаах, Култуура киинэ, успуорт саалата, остолобуой, баанньык бааллар. Сотору кэминэн волокно-оптика ситимин тардыы былааннанар, ол интэриниэт үлэтин түргэтэтиэҕэ.


Хампаанньаҕа саамай элбэх идэ баар. «Анаабыр алмаастарыгар» бырамыысыланнас үлэһиттэрин таһынан экэнэмиистэр,
юристар, технологтар, программистар, сибээс, уот үлэһиттэрэ, суоппардар уо.д.а. исписэлиистэр наадалар. «Олохтоох каадырдары -– бырамыысыланнаска» бырайыак чэрчитинэн тэрилтэ 30-гэр диэри саастаах эдэр уонна тыа сирин дьарыга суох дьонун үлэҕэ ылар. Ону сэргэ, Саха сирин олохтоохторугар идэҕэ үөрэтиини уонна эбии үөрэҕи ыытар, кинилэри үлэҕэ ылар уонна хампаанньа үбүн суотугар эдэр исписэлиистэр стажировкаланаллар.
«Мин саныырбынан талыахтаах үлэҕин төһө кыалларынан эрдэ быһаарынар уонна онно сыыйа-баайа бэлэмнэнэр наада. Ол иһин, бүгүн эһигини кытары көрсө олоробут. Биһигини кытары кэпсэтии кэнниттэн элбэх киһи идэтин АЛРОСА хампаанньа бөлөҕөр хайа бырамыысыланнаһын кытары сибээстииргэ сананарыгар эрэнэбин», -– диэтэ Маринычев.
Көрсүһүү кэмигэр үөһээ кылаас үөрэнээччилэрэ интэриэһиргиир ыйытыыларын биэрдилэр. Сорохтор хамнас таһымын, баахтаҕа олорор усулуобуйа туһунан ыйыталастылар. Сорохтор ханнык идэлэр наадаларын уонна стажировкаҕа хайдах хапсыахха сөбүн интэриэһиргээтилэр. Генеральнай дириэктэр тус олоҕун, оҕо сылдьан ханнык идэни талыан баҕарбытын, ханнык университеты бүтэрбитин уо.д.а. ыйытыылары биэрдилэр.


«Өрөспүүбүлүкэ сүрүн хампаанньаларыттан биирдэстэрин дириэктэрин тылын-өһүн истэр уонна быһаччы сэһэргэһэр олус туһалаах. Мин оскуолабын бүтэрэн баран, инженер-тиэхиньик хайысхатыгар үөрэнэ барарга былааннанабын. Ол иһин, ханнык эбит хампаанньаҕа стажировкаланыахпын баҕарабын. Мин көрсүһүүгэ кэлэн, итинник быраактыка АЛРОСА тэрилтэлэригэр баарын биллим, онон инникитин «Анаабыр алмаастара» хампаанньаҕа стажировкаланан көрөргө сананным», -– диэн 10-с кылаас үөрэнээччитэ Юлия Михеева санаатын үллэһиннэ.

АЛРОСА пресс-сулууспатын матырыйаалларыттан,
Мария ВАСИЛЬЕВА  хаартыскалара

Бары сонуннар
Салгыы
9 февраля
  • -48°C
  • Ощущается: -48°Влажность: 63% Скорость ветра: 0 м/с

Сообщить об опечатке

Текст, который будет отправлен нашим редакторам: