Ил Түмэн дьокутаата, парламент экэниэмикэҕэ, инвестицияҕа уонна бырамыысыланнас бэлиитикэтигэр сис кэмитиэтин бэрэссэдээтэлэ Павел Петров күн бүгүн буола турар анал байыаннай дьайыылар Арассыыйаҕа куттал суох буолуутун хааччыйар туһугар кыһалҕаттан ыытыллар хардыылар буолалларын өйдүүбүт диэн туран, тус санаатын үллэһиннэ:
— Биһиги уолаттарбыт, эр дьоммут Донбасс, Луганскай уобаластарыгар аҕыс сыл устатын тухары ытыалааһын, өлүү-сүтүү усулуобуйатыгар олорор норуоттары көмүскүү, төрөөбүт дойдуларыгар суоһуур кутталы туората сылдьаллар. Тоҕо диэтэххэ, ити уодаһыннаах дьайыылар Украинаҕа эрэ буолбакка, кини тас өттүгэр өтөн тахсар кутталланнылар. Онон маннык балаһыанньаҕа Арассыыйа тала сатыыра суох — анал байыаннай эпэрээссийэнэн Украинаҕа демилитаризацияны ыытыы суола эрэ хаалла. Биһиги дойдубут Украинаны ускайдыы олорор арҕааҕҥы дойдулартан өр кэмҥэ эйэлээх кэпсэтиинэн сүбэ быһыытынан быһаарсары, ыллыктаах толкуйу бииргэ тобулары күүппүтэ даҕаны, хайата да кыаллыбата. Ол иһин атын быһаарсар суол уурайан, Арассыыйа анал байыаннай эпэрээссийэни ыытарга күһэлиннэ. Бэрэсидьиэн Владимир Путин уонна РФ сэбилэниилээх күүстэрин бу быһаарыныыларын дойду олохтоохторо өйөөһүннэрэ бүтүн уопсастыба хаһааҥҥытааҕар да биир сомоҕо буола түмсүбүтүн көрдөрдө. Аан дойду иккис сэриитин кэмигэр биһиги эһэлэрбит, хос эһэлэрбит төрөөбүт дойдуларын эрэ буолбакка, аан дойдуга фашизм суох буоларын иһин сэриилэспиттэрэ. Күн бүгүн кинилэр оҕолоро, сиэннэрэ, хос сиэннэрэ ытык дьоннорун албан ааттаах суолларын салгыыллар.
Арҕааҥҥы дойдулар инникитин да Украинанан, атын да дойдуларынан, бэлитиичэскэй күүстэринэн сирэйдэнэн, Арассыыйаны ыгалларын-түүрэллэрин салгыахтара. Онон биһиги тас бэлиитикэбитин сайыннаран, ону күүскэ ыытан, көмүскэнэр байыаннай күүстэрбитин бөҕөрөгөтөн, экэниэмикэбитин кыаҕырдан, бэлэмнээх буолуохпутун наада. Биһиги олус уустук быһыыга-майгыга олоробут. Ол эрээри Арассыыйа ис кыаҕа модун, онон бу ыарахаттары туоруохпут. Саамай сүрүнэ, бука бары бииргэ түмүллэн, кыаҕы, күүһү мунньунан, уопсай санаанан турунан туран үлэлиирбит эрэйиллэр. Биһиги өрөспүүбүлүкэбит дойдубутун көмүскүү ыҥырыллыбыт дьоммутугар туох кыаллар өйөбүлү, көмөнү оҥорор, оҥорорго бэлэм.
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…