Хаартыска: Василий Кононов.
Ил Түмэн экэниэмикэҕэ, инвестицияҕа уонна бырамыысыланнаска бэлиитикэтин сис кэмитиэтин бэрэссэдээтэлэ, “Биир ньыгыл Арассыыйа” баартыйа чилиэнэ Павел Петров Ил Дархан Айсен Николаев 2024 сыллааҕы Бырабыыталыстыба үлэтин түмүгүн туһунан отчуотунан санаатын үллэһиннэ.
— Биһиги бүгүн Бырабыыталыстыба 2024 сыллааҕы үлэтин туһунан Ил Дархан киэҥ ис хоһоонноох отчуотун иһиттибит. Уопсайынан, норуот дьокутааттара Бырабыыталыстыба үлэтин үчүгэйдик сыаналаатылар. Экэниэмикэ уустуктарын уонна тас хааччахтааһыны аахсыбакка, Саха Өрөспүүбүлүкэтин экэниэмиэкэтигэр үтүө, бигэ хамсааһын баара көстөр. 2024 сыл түмүгүнэн биһиги эрэгийиэннээҕи валовай продукт (ВРП), инвестиция кээмэйэ уонна быраамысыланнай оҥорон таһаарыы курдук сүрүн экэнэмиичэскэй көрдөрүүнэн инники сылдьар турукпутун оннунан хааллардыбыт.
Итини таһынан, Өрөспүүбүлүкэ Бырабыыталыстыбата экэниэмикэ диверсификациятыгар улахан болҕомтону уурар. Ити биир хайысхатынан эрэгийиэҥҥэ креативнай уонна цифровой экэниэмикэни сайыннарыы буолар. Отчуоттан көстөрүнэн, былырыын креативнай индустрияҕа дьарыктаах дьон ахсаана биллэ эбиллибитэ бэлиэтэнэр, 3 тыһыынча киһинэн үрдээн 48 тыһ. тиийбит.
Итини таһынан, кинематография уонна аудиовизуальнай ускуустуба эйгэтигэр ситиһии үрдээбит. Саха киинэтин хомуура 157 мөл. солк. тиийбит.
Ил Дархан инвестицияны сыһыаран уонна инновацияны сайыннарыыга усулуобуйа тэрийэн, креативнай индустрияны салгыы өйүүр ирдэнэрин бэлиэтиир, — диэн санаатын үллэстэр.
Бу туһунан Ил Түмэн пресс-сулууспата суруйар. Салгыы манна ааҕыҥ.
Ахсынньы 2 күнүгэр Саха тыйаатырыгар саха суругунан литературата төрүттэммитэ 125 сылын үөрүүлээх быһыыга-майгыга бэлиэтээтилэр. Дьоро…
2026 сылтан өрөспүүбүлүкэҕэ хоту таһаҕаһы тиэйиинэн Биир кэлим байҕал оператора дьарыктаныаҕа. Сэтинньи 2 күнүгэр туһааннаах…
Бэҕэһээ киэһэ Саха сирин Быыһыыр сулууспатын Түбэтээҕи быыһыыр-хонтуруоллуур пуунун быыһааччылара Нам уонна Кэбээйи улуустарын кыраныыссаларыгар…
Дьокуускайга ааспыт өрөбүл күннэргэ ИДьМ сулууспатын үлэһиттэрэ сэрэтэр-профилактическай рейдэлэр кэмигэр арыгыны сокуону кэһэн атыылааһын 6…
Бүгүн, ахсынньы 3 күнүгэр, Саха сирин сорох улуустарыгар -48 кыраадыс буолара күүтүллэр диэн УГМС иһитиннэрэр.…
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…