Ил Дархан, бырабыыталыстыба пресс-сулууспата.
Бүгүн, от ыйын 17 күнүгэр, «Триумф» спортивнай кииҥҥэ олимпийскай чөмпүйүөн, аан дойду үс төгүллээх чөмпүйүөнэ, ССРС спордун үтүөлээх маастара Павел Павлович Пинигин чиэһигэр 16-гар диэри саастаах уолаттарга көҥүл тустууга Бүтүн Арассыыйатааҕы аһаҕас турнир уонна 18-гар диэри саастаах уолаттарга көҥүл тустууга күрэхтэһиилэр саҕаланнылар. Бирииһи «Железные дороги Якутии» хампаанньа туруорар. Күрэхтэһии от ыйын 17-22 күннэригэр буолар.
“Сыл аайы олимпийскай чөмпүйүөн Павел Пинигин чиэһигэр турнирдар Арассыыйа тустууга федерациятын, спонсордар, “Железные дороги Якутии” акционернай уопсастыба өйөбүллэринэн ыытыллаллар. Күрэхтэһии сыл аайы спортивнай уопсастыба болҕомтотун тардан, араас саастаах, категориялаах спортсменнары көрсөр былаһаакка буолан иһэринэн киэн туттабыт. Хас биирдиигит хамаандаҕыт, дойдугут аатын чиэстээхтик көмүскүөххүт, спортивнай ситиһиилэргитинэн албан ааты аҕалыаххыт диэн эрэллээхпит», — диэтэ өрөспүүбүлүкэ физическэй култуураҕа уонна спорка миниистирэ Леонид Спиридонов.
«Железные дороги Якутии» ХЭТ эдэр уолаттар ортолоругар көҥүл тустууга күрэхтэһиини өр сылларга ыытан кэллэ.
Бүтүн Арассыыйатааҕы турнирга Саха сирин, Бурятия, Тыва, Забайкальскай, Красноярскай уонна Хабаровскай кыраайдар, Иркутскай, Амурскай уобаластар, Еврейскэй автономнай уокурук бөҕөстөрө киирсэллэр. Тэрийээччилэр Бүтүн Арассыыйатааҕы күрэхтэһиигэ 2009-2010 сылга төрөөбүт 534 уол мандаат хамыыһыйатын ааспыттарын бэлиэтииллэр.
Онтон от ыйын 20 күнүттэн 18-гар диэри саастаах уолаттарга көҥүл тустууга норуоттар икки ардыларынааҕы күрэхтэһиилэргэ Белоруссия, Казахстан, Кыргызстан, Монголия, ону тэҥэ Саха сирин, Дагестан, Ингушетия, Чечня, Брянскай, Калининград, Москва уобаластар тустууктара кыттыыны ылыахтара . Норуоттар икки ардыларынааҕы күрэхтэһии UWW билиҥҥи быраабылаларынан ыытыллар.
Ил Дархан, бырабыыталыстыба пресс-сулууспата.
Омук сиригэр кэмпилиэктэммит оҥоһуктарын барытын дойдубут киэнигэр уларытан баран, Ту-214 сөмөлүөтү бэрэбиэркэлээн көрүү саҕаланна, диэн…
Сэбирдэҕэр гликозид арбутин, виннай, яблочнай, лимоннай органическай кислоталар, С витамин, альдегид о.д.а. иҥэмтэлээх эттиктэр бааллар.…
Бүгүн киин куоракка Казначейство саалатыгар “Саха сирин бастыҥ ювелирнай оҥоһуктара-2024” быыстапка аһылынна. Тэрээһин “Кыһын Саха…
Платон Алексеевич Ойуунускай аатынан Саха тыйаатыра 95 сыла туоларынан, алтынньы 17 күнүгэр Анемподист Иванович Софронов…
Мэҥэ Хаҥалас улууһун борокуратуурата Ростов уобалаһын уонна Хакасия Өрөспүүбүлүкэтин үс олохтооҕор холобунай дьыаланан буруйдааһын түмүгүн…
Тэрээһиҥҥэ Уһук Илини уонна Арктиканы сайыннарар министиэристибэ баһылыга Алексей Чекунков кытынна. Көрсүһүү кэмигэр выпускниктар соруктарын,…