Хаартыска СӨ Судаарыстыбаннай баһаарынай сулууспа тыттан
Түүн үөһүгэр, 02:24 ч. Мэҥэ Хаҥалас улууһун Павловскай нэһилиэгэр чааһынай дьиэҕэ уот турбутун туһунан Майатааҕы 2 №-дээх баһаарынай чааска иһитиннэрии киирбит.
Буруо тахсаатын кытары автономнай буруону сэрэтээччи (АДПИ) тыаһаан, дьиэ хаһаайката ону истэн, дьиэттэн бэйэтэ куотан тахсан, баһаартан быыһанна диэн СӨ Судаарыстыбаннай баһаарынай сулууспата иһитиннэрэр.
Павловскайдааҕы 7 №-дээх МПЧ баһаарынай караула тута айаннаан тиийдэ. Баһаарынайдар тиийэллэригэр дьиэ бүтүннүү ис өттүттэн умайа турара бэлиэтэммит.
Хомойуох иһин, баһаар тахсыбыт сириттэн 1979 сыллаах төрүөх эр киһи өлүгэ булуллубут. Уот туохтан тахсыбыта, онно буруйдаах уонна хоромньу быһаарылла сылдьар.
Уоту умуорууга 11 киһи, Мэҥэ Хаҥалас улууһун 20 №-дээх баһаарынай сулууспа 3 баһаарынай тиэхиньикэтэ уонна РСЧС күүстэрэ: 7 киһи, 1 тиэхиньикэ кыттыбыттар.
СӨ Судаарыстыбаннай баһаарынай сулууспата Автономнай баһаарынай сэрэтэр тэрили туруоруу – судургу, ол да буоллар, дьон олоҕун уонна доруобуйатын быыһыыр улахан кыахтаах, олус көдьүүстээх диэн санаталлар.
Билигин бырааска тэйиччиитэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ. …
80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан…
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…