Хаартыска: Саха Сиринээҕи ИДьМ пресс-сулууспата
Ньурба оройуонун ПДН иниспиэктэрэ улахан баһаар тахсарын тохтоппут. Ол курдук полиция лейтенана Валерий Дорофеев Ньурба куоракка Дальний Убаян уулуссаҕа гараастан хойуу буруо тахсарын бэлиэтии көрбүт.
Полиция үлэһитэ утуйа сытар киһини уһугуннарбыт уонна уот тиийбэт сиригэр атаарбыт. Ол кэмҥэ уот гараастан чугас турар олорор дьиэҕэ көһөрө кутталламыт. «Хаһаайынтан гараас күлүүһүн ылан, полиция үлэһитэ гараас аанын аспыт, онон баһаарынайдар түргэнник уоту умуруоралларын хааччыйбыт»,-диэн Саха Сиринээҕи ИДьМ пресс-сулууспатыгар кэпсээтилэр.
Умайа турар гараас иһигэр икки массыына баар эбит: хаһаайын массыыната уонна ыаллыы олорор киһи кыра тырааныспара, ону кытта ититэр ситимҥэ холбоммут толору сапыраапкаламмыт гаас баллона. ПДН иниспиэктэрэ уонна баһаарынайдар гаас баллонун араарбыттар уонна уулуссаҕа таһаарбыттар. Баһаар түмүгэр кыра массыына бүтүннүү умайбыт. Быыһаммыт олохтоох эр киһи ПДН иниспиэктэрэ Валерий Дорофеевка махталын тиэртэ.
2022 сыллаахха "Саха сирэ" хаһыат sakha-sire.ru саайта үлэтин саҕалаабыта. Онон "Саха сирэ" эрэдээксийэтэ билигин хаһыат…
Чокуурдаах олохтооҕо итирик туруктаах сылдьан иирсээн кэмигэр балтын ытырбытын иһин 120 чаас булгуччулаах үлэҕэ бириигэбэрдэннэ.…
2025 сыл от ыйыттан Арассыыйаҕа үп-харчы эйгэтин, административнай быраабы, табаары маркировкалааһын быраабылаларын таарыйар саҥа сокуоннар…
От ыйын 4-5 күннэригэр Нерюнгри оройуонугар 18-с төгүлүн ыытыллар Олоҥхо ыһыаҕа буолуоҕа. Ыалдьыттары от ыйын…
Ааспыт сууккаҕа Ленскэй оройуоҥҥа 3 га иэннээх ойуур баһаара көһүннэ. Бу туһунан брифинг кэмигэр СӨ…
Баһаарга дьиэ кырыыһата уонна гараас уопсайа 112 кв.м. иэнэ уокка былдьаммыт. Горнай улууһун Бэрдьигэстээх сэлиэнньэтигэр…