“Педагог – элбэх оҕолоох ийэ” өрөспүүбүлүкэтээҕи куонкурус кыайыылаахтара билиннилэр

СӨ Үөрэҕин уонна министиэристибэтин былаанынан итиэннэ Үөрэҕи сайыннарар, идэ таһымын үрдэтэр институт салайан, бу күннэргэ Ийэ сылыгар аналлаах “Педагог – элбэх оҕолоох ийэ” өрөспүүбүлүкэтээҕи куонкуруһу тэрийэн ыытта.  

Куонкуруска Томпо, Мэҥэ Хаҥалас, Алдан, Өлөөн, Булуҥ, Кэбээйи, Өлүөхүмэ, Сунтаар, Бүлүү, Үөһээ Бүлүү, Ньурба, Горнай, Усуйаана улуустарыттан уонна Дьокуускай куораттан элбэх оҕолоох педагогтар кытыннылар.

Кыттааччылар 4-8 оҕону иитэллэр, улаатыннарбыттар. Бары куонкурус тургутуутун аастылар уонна көрөөччүлэргэ, саамай сүрүнэ бэйэлэригэр идэлэригэр бэриниилээх, дьиҥнээх педагог, эппиэтинэстээх уонна тапталлаах ийэ буолалларын итэҕэттилэр.

Куонкурус муҥутуур кыайыылааҕынан Мэҥэ Хаҥалас улууһун В.П.Ларионов аатынан Майа орто оскуолатын математикаҕа учуутала П.А.Харитонова ааттанна. “Саха сирин мэтэдииһэ” түөскэ иилинэр бэлиэнэн Үөһээ Бүлүү улууһун К.С.Чиряев аатынан норуот педагогикатын киинин мэтэдииһэ В.З.Осипова наҕараадаланна.

СӨ Норуотун үөрэҕириитин идэлээх сойууһун аатыттан 10 тыһ. солк. суумалаах сэртипикээттэри туттулар:

1-кы истиэпэннээх дьупулуом – Горнай улууһун Л.Е.Лукина аатынан эбии үөрэхтээһин киинин педагога Т.П.Максимова, СӨ Ил Түмэн Судаарыстыбаннай Мунньаҕын буочуоттаах кырааматата;

2-с истиэпэннээх дьупулуом – Томпо улууһун Е.Е.Протопопов аатынан Саһыл орто оскуолатын дириэктэрин иитэр үлэҕэ солбуйааччыта С.С.Сидорова;

3-с истиэпэннээх дьупулуом – Өлүөхүмэ улууһун А.Л.Бахсыров аатынан Кыыллаах орто оскуолатын саха тылын уонна литэрэтиирэтин учуутала А.А.Банчина;

“Иистэнньэҥ ийэ” номинацияҕа кыайыылаах – Булуҥ улууһун Найба сэлиэнньэтин Хара Уулаах орто оскуолатын технологияҕа учуутала А.В.Хантакова.

“Төрүт үгэһи илдьэ сылдьааччы” номинацияҕа кыайыылаах – Өлөөн эбэҥки национальнай улууһун Эбии үөрэхтээһиҥҥэ киинин “Мивона” айылҕа-билим куруһуогун педагога Т.В.Гоголева.

Номинация кыайыылаахтарыгар өйдөбүнньүк бэлэхтэри уонна Үөрэҕи сайыннарар, идэ таһымын үрдэтэр институт аатыттан бэлиэлэри туттардылар:

“Спортивнай ийэ” – Кэбээйи улууһун Баҕадьа оскуолатын физкултуураҕа учуутала Е.С.Бережнова;

“Бастыҥ ийэ — сүбэһит” — Дьокуускай куорат Маҕан орто оскуолатын нуучча тылын уонна литэрэтиирэтин учуутала Э.С.Борисова;

“Айар ийэ” – Алдан улууһун биирдиилээн биридимиэттэри дириҥэтэн үөрэтэр оскуола англия тылын учуутала Г.С.Рахманбердиева;

“Идэлэригэр бэриниилэрин иһин” Үөрэҕи сайыннарар уонна идэ тыһымын үрдэтэр институт бэлиэтинэн Бүлүү улууһун П.А.Павлов аатынан 1 Күүлэт математикаҕа учуутала У.Ю.Тутукарова наҕараадаланна;

Саха АССР 100 сылынан мэтээли туттулар:

Усуйаана улууһун С.В.Горохов аатынан оскуола алын кылааһын учуутала, “Дьүкээбил” үҥкүү кэлэктиибин салайааччыта, “Ийэ – социальнай лиидэр” номинация кыайыылааҕа Ю.Е.Дохунаева;

Кэбээйи улууһун Батамай оскуолатын алын кылааһын учуутала, “Оҕоҕо кыһамньы туһунан” номинация кыайыылааҕа Е.П.Слепцова;

Дьокуускай куорат 3-с нүөмэрдээх орто оскуолатын англия тылын учуутала, “Бастыҥ ийэ – сүбэһит” номинация кыайыылааҕа А.И.Васильева.

Номинация кыайыылаахтарыгар СӨ Үөрэҕин уонна билимин министиэристибэтин бирииһэ туттарылынна:

“Олоҕум ситиһиитэ” – Сунтаар улууһун Г.Е.Бессонов аатынан Тойбохой орто оскуолатын дириэктэрин иитэр үлэҕэ солбуйааччыта М.А.Данилова;

“Инфо — ийэ” – Ньурба улууһун Н.И.Кочнев аатынан 1-кы Хаҥалас орто оскуолатын англия тылын учуутала Н.В.Жданова;

“Уостубат кыах” – Томпо улууһун Хаандыга орто оскуолатын англия тылын учуутала Е.Д. Потапова;

“Муҥура суох айар дьоҕур” – Сунтаар улууһун гимназиятын муусукаҕа учуутала, эбии үөрэхтээһиҥҥэ педагога А.А.Сергеева;

“Дьиэ кэргэн сылаас холумтанын тэрийээччи” – Булуҥ улууһун Бороҕон орто оскуолатын англия тылын учуутала И.И.Стручкова;

“Креативнай ийэ” — Сунтаар улууһун А.К.Акимов аатынан Күүкэй орто оскуолатын англия тылын учуутала Т.А.Федотова;

“Ийэ – глобальнай компетенция” – Дьокуускай куорат глобальнай үөрэх киинэ гимназия алын кылааһын учуутала А.А.Хахырова.

СӨ Үөрэҕин уонна билимин министиэристибэтин саайтыттан.