Дойду бэрэсидьиэнэ кэлэр 2023 сылы Арассыыйаҕа Педагог уонна сүбэдэй сылынан биллэрбитэ. Онон сибээстээн, дойду бырабыыталыстыбатыгар тэрийэр кэмитиэт бастакы мунньаҕын ыыттылар.
Санатан эттэххэ, күн бүгүн Арассыыйа үрдүнэн уопсай үөрэхтээһин систиэмэтигэр 1,3 мөл. педагог үлэлиир, итинтэн 1,1 мөл. – учуутал. Онтон Саха сиригэр 18 тыһ. тахса педагог баарыттан, 14 тыһ. тахсата учуутал.
“Педагог уонна сүбэдэй сыла бу идэҕэ болҕомто уурар, учууталларга ытыктабылы көрдөрөр эрэ соруктаах буолбатах, педагогикаҕа ыччат интэриэһин үрдэтэр, педагогическай үрдүк үөрэхтэр кэннилэриттэн оскуолаҕа үлэлии кэлиэхтээх айымньылаах, дьоҕурдаах, көхтөөх абитуриеннары тардар соруктаах”, — диэн бырабыыталыстыба бэрэссэдээтэлин солбуйааччы Татьяна Голикова бэлиэтээтэ.
Эдэр дьон педагогика исписээлинэстэрин сэҥээрэр буолан эрэллэрэ номнуо билигин бэлиэтэнэрин, үрдүк үөрэхтэргэ бүддьүөт миэстэтин көрүү эбиллэн иһэрин ыйда.
Маны тэҥэ, уйулҕа-педагог хайысхалаах кылаастар ахсааннара элбии турар. Күн бүгүн Арассыыйа 83 эрэгийиэнигэр 3,3 тыһ. кылаас аһыллыбыт. Саха сиригэр 2024 сылга диэри 70 кылааһы арыйар сорук турар.
“Үөрэхтээһин” национальнай бырайыак иитинэн, 2024 сыл бүтүөр диэри федеральнай хааһына суотугар педагог уопсай ахсааныттан кырата 40 % идэтин таһымын үрдэтиэҕэ.
Дойду үөрэҕириигэ миниистирэ Сергей Кравцов сыл сүрүн тэрээһиннэрин билиһиннэрэригэр тохсунньуга Педагог уонна сүбэдэй сылын үөрүүлээх аһыллыытын, учууталларга аналлаах улахан нэдиэлэ ыытылларын уонна кылаас салайааччыларын пуорумун ааттаталаата. Итини таһынан, былаан бырайыагар биллиилээх педагог, суруйааччы, Арассыыйаҕа билим педагогикатын төрүттээччи К.Д. Ушинскай төрөөбүтэ 200 сылын бэлиэтиир тэрээһин киирбит.
Педагог уонна сүбэдэй сылын былаанын бырайыагын ырытыһан баран, ситэрэн-хоторон биэриэхтэрэ итиэннэ бырабыыталыстыбанан бигэргэтиэхтэрэ.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…