Мэҥэ Хаҥалас улууһун дьаһалтатын пресс-сулууспата
От ыйын 9 күнүгэр Мэҥэ Хаҥалас Ураһалаах алааһыгар «Тыа сирин оскуолата уонна үөрэхтээһин маарката» XX өрөспүүбүлүкэтээҕи педагогическай дьаарбаҥка үөрүүлээх аһыллыыта тэрилиннэ.
Кыттааччылар 32 улуустан уонна Дьокуускай куораттан, барыта 3000 кэриҥэ киһи бэйэлэрин улуустарын уратытын көрдөрөн таҥнан-симэнэн 36 колонна буолан сэлэлээн хааман киирдилэр.
Тэрээһиҥҥэ СӨ үөрэх уонна билим миниистирэ Нюргуна Соколова, улуус баһылыга Дмитрий Тихонов, улуустааҕы үөрэҕирии салалтатын начаалынньыга Гаврил Толстяков кыттыыны ыллылар. Саха сиэринэн Виталий Очиров – Алгыс Ачыырап аал уот иччитин аһатан, үөһэ үрдүк Айыыларга, сир-дойду иччилэригэр сүгүрүйэн көрдөһүү, махтаныы сиэрин-туомун толордо.
Манчаары Баһылай дойдутугар кэлбит ыалдьыттары көрсүүгэ Арассыыйаҕа Дьиэ кэргэн, өрөспүүбүлүкэбитигэр Оҕо саас сылларынан театрализованнай дьүһүйүү, Мэҥэ Хаҥалас улууһугар үөрэҕирии тэриллибитэ 150 сылыгар аналлаах булуок, хомус тыаһатыыга, оһуор үҥкүүтүнэн күргүөмнээх флешмоб тэрилиннэ.
Тэрээһин үөрүүлээх чааһыгар СӨ үөрэх уонна билим миниистирэ Нюргуна Соколова үтүө суобастаах үлэлэрин, үөрэҕирии сайдыытыгар, оҕону иитиигэ, үөрэтиигэ сүҥкэн кылааттарын иһин араас хабааннаах наҕараадалары туттарда. И.Г. Тимофеев аатынан Майатааҕы лиссиэй история учуутала Андрей Кычкин миниистир илиититтэн «СӨ үөрэҕириитин туйгуна» түөскэ кэтиллэр бэлиэнэн наҕараадаланна. Үөрэх эйгэтигэр киирбит бастыҥ көрдөрүүлээх бырайыагы быһаарар педагогическай дьаарбаҥка виртуальнай түһүмэҕин кыайыылааҕынан тахсыбыт И.Г. Тимофеев аатынан Майатааҕы лиссиэйгэ, дириэктэригэр Татьяна Поповаҕа С.Н. Донской аатынан Үөрэҕирии сайдыытын уонна идэ таһымын үрдэтии институтун дириэктэрэ Ньургун Павлов туоһу суругу туттарда.
Мэҥэ Хаҥалас улууһун дьаһалтатын пресс-сулууспата
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…