Саха сиригэр Учуутал, орто анал үөрэх уонна оскуола иннинээҕи үөрэхтээһин үлэһиттэрин күннэригэр анаммыт педагогическэй дэкээдэ саҕаланна.
Дэкээдэ чэрчитинэн учууталлар уонна педагогтар XIV сийиэстэрэ ыытыллыаҕа. Маннык сийиэс 2015 сыллаахха ыытыллыбыта. Быйылгы тэрээһин өрөспүүбүлүкэ биир үйэлээх үбүлүөйүгэр, үөрэхтээһин норуодунай комиссариата төрүттэммиэ 100 уонна ССРС норуодунай учуутала Михаил Алексеев төрөөбүтэ 105 сылларыгар ананыаҕа.
Үөрэх, наука миниистирэ Ирина Любимова бэлиэтээбитинэн, сийиэс чэрчитинэн араас кэпсэтиилэр, “төгүрүк остуоллар”, сэминээрдэр, аахсыйалар, быыстапкалар, лиэксийэлэр, о.д.а. тэрээһиннэр ыытыллыахтара. Манна барыта 500-тэн тахса киһи кыттара былааннанар. Тэрээһин алтынньы 4-7 күннэригэр ыытыллыаҕа. Сийиэскэ биир сүрүн боппуруоһунан 2030 сылга диэри үөрэхтээһин систиэмэтин сайдыытын стратегиятын көрүөхтэрэ.
Ил Дархан Айсен Николаев былырыын ахсынньыга учууталлар сийиэстэрин ыытары өйөөн турар, сийиэс иннинэ үөрэхтээһин эйгэтигэр турар сытыы боппуруостары стратегияҕа бэлэмнээн ырытыыга таһаарарга сорудахтаабыта.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…