Салгыы
Педагогическай династия хаһаайыннара Жерготовтар — Чөркөөх ытык ыала

Педагогическай династия хаһаайыннара Жерготовтар — Чөркөөх ытык ыала

01.04.2023, 17:10
Хаартыска уонна видео -- Елена Потоцкая
Бөлөххө киир:

Быйыл дойдуга Педагог уонна уһуйааччы, өрөспүүбүлүкэҕэ Үлэ сылыгар түбэһиннэрэн, Таатта улууһун Чөркөөх нэһилиэгин биир дойдулаахтарын түмсүүтэ Саха сиригэр үрдүк үөрэхтээһини сайыннарыыга сүҥкэн кылааттаах, педагогическай институт бастакы дириэктэрэ, үөрэҕирии уонна доруобуйа харыстабылын наркомунан үлэлээбит Иван  Жегусов төрөөбүтэ 125 үбүлүөйдээх сылын киин куоракка олорор Чөркөөх оскуолатыгар үлэлээбит учууталлары түмэн бэлиэтээтэ. 

Чөркөөхтөн төрүттэх кэргэннии Жерготовтар — нэһилиэк, улуус эрэ буолбакка өрөспүүбүлүкэ киэн туттар учууталлара.

Ыал аҕа баһылыга — СӨ үтүөлэх учуутала, Дьокуускай куорат Киин уокуругун аҕаларын сэбиэтин салайааччыта,  РФ «Арассыйа патриота» бочуоттаах аат хаһаайына,  подполковник, «Саха гимназия»  уопсай орто үөрэхтээһин тэрилтэтин ОБЖ (НВП) үрдүк категориялаах учуутала  Егор Жерготов. Егор Егорович солотун аахтаххына, бүгүн бүппэккин — наҕараада, аат-суол баай киһитэ. Кини тапталлаах кэргэнэ, олоҕун аргыһа, түөрт оҕо амарах ийэтэ Надежда Жерготова — нуучча тылын уонна литературатын үрдүк категориялаах учуутала. «РФ уопсай үөрэхтээһинин бочуоттаах үлэһитэ, «Учууталлар учууталлара» бэлиэ хаһаайката СӨ Педагогическай эциклопедиятыгар киирэн турар. «Чөркөөх оскуолата дуо?» диэн киэн тутта этэр буоллахтарына — бу Надежда Павловна сыралаах үлэтин түмүгэ. Кини  оскуолаҕа иитэр үлэҕэ дириэктэри солбуйааччынан үлэлээбитэ.

Таатта улууһун Чөркөөх нэһилиэгин биир дойдулаахтарын түмсүүтэ нэһилиэктэриттэн төрүттээх учууталлары түмэн чиэстээбитин туһунан учуутал  Жерготовтар санааларын  маннык үллэһиннилэр:

Ыал ийэтэ Надежда Павловна төрөөбүт Чөркөөҕүн кытта быстыспат ситимнээхтэрин туһунан бу курдук кэпсээтэ:

Биир дойдулаахтар көрсөр дьоро киэһэлэригэр ытыктанар учуутал Надежда Жерготоваҕа «Чөркөөх нэһилиэгин бочуоттаах олохтооҕо» диэн анал бэлиэни туттардылар.

Уһуйааччы уонна Үлэ сылларыгар бу төрөөбүт дойдутун саамай үрдүк наҕараадатын тутан, Надежда Павловна ис дууһатыттан үөрдэ уонна долгуйда. Чөркөөхтөр убаастыыр учууталларын үөрүүтүн тэҥҥэ үллэһиннилэр, кылааһын оҕолоро махтал тыл бастыҥын эттилэр. Онон «Дьокуускайга — Чөркөөх нэһилиэгин күнэ» киэҥ далааһыннаах тэрээһини сырдатар репортааһым иккис түһүмэҕин дьоруойдарынан педагогическай династия хаһаайыннара, кэргэннии Жерготовтар буоллулар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 мая
  • 24°C
  • Ощущается: 23°Влажность: 33% Скорость ветра: 3 м/с

Сообщить об опечатке

Текст, который будет отправлен нашим редакторам: