Педагогическай идэлээхтэри үлэнэн хааччыйар ыстаап үлэтин саҕалаата

Үөрэх уонна билим министиэристибэтэ Саха сиринээҕи дьарыктаах буолуу сулууспатын кытта 2024-2025 үөрэх дьылыгар педагогическай идэлээхтэри үлэҕэ ылар ыстаап үлэтин саҕалаабытын туһунан иһитиннэрэллэр.

Педагогическай идэлээх уонна үлэ көрдүүр дьону үөрэх тэрилтэлэригэр күн бүгүн баар вакансиялар туһунан иһитиннэриини, үлэҕэ киирии боппуруостарынан сүбэни-аманы ыларгытыгар ыҥыраллар.

Ыстаап бу сыл атырдьах ыйын 7-23 күннэригэр С.Ф.Гоголев аатынан Дьокуускайдааҕы педагогическай кэллиэс дьиэтигэр (Ленин пр. 5-с нүөмэрэ) үлэ күнүгэр сарсыарда 09:00-17:00 ч. үлэлиир. Бэйэбилгитин (резюме) pedagogmoin@mail.ru аадырыска ыытыаххытын сөп. Билсэр нүөмэргит: 8(914)101-56-44. Бу туһунан Үөрэх уонна билим министиэристибэтин телеграм-:ханаалыгар суруйаллар.