Педагогическай вакансия өрөспүүбүлүкэтээҕи дьаарбаҥкатыгар ыҥыраллар

Сарсын, олунньу 28 күнүгэр СӨ Үөрэҕин уонна билимин министиэристибэтэ М.К.Аммосов аатынан Хотугулуу-Илиҥҥи федеральнай университет, педагогическай кэллиэстэр кыттыылаах үрдүк, орто педагогическай үөрэхтэри бүтэрбит, бүтэрэр дьоҥҥо анаан педагогическай вакансиялар өрөспүүбүлүкэтээҕи дьаарбаҥкаларын тэрийэр.

Дьаарбаҥка С.Ф.Гоголев аатынан Дьокуускайдааҕы педагогическай кэллиэскэ (Ленин проспегын 5-с нүөмэрдээх дьиэтэ) 10.00 – 13.00 ч. диэри буолар. Тэрийээччилэр иһитиннэрэллэринэн 120-тэн тахса үлэ биэрээччи кыттыаҕа, 1000-тан тасха вакансияны билиһиннэриэхтэрэ. 2023-2024 үөрэх дьылыгар тахсар вакансиялар туһунан https://minobrnauki.sakha.gov.ru/pedagogicheskie-kadry/10-vakantnye-mesta) ыйыллыбыт сигэнэн көрүөххүтүн сөп.

Сиһилии 50-69-27, 50-69-20 нүөмэрдэринэн билсиҥ.