Хаартыска: www.sakha.gov.ru
Саха сирин сүүс бастыҥ педагогтарын бэрэстэбиитэллэрэ 100-түү тыһ. солк. бириэмийэни тутта. Үөрэх эйгэтин үлэһиттэрин күрэһин кыайыылаахтарын наҕараадалааһын бүгүн буолла. «РНГ» АУо хампаанньа тэрээһини көҕүлээччи уонна сүрүн үлэлэһээччи буолар. Күрэс аан маҥнайгытын Саха АССР 100 сылыгар ыытыллыбыта. Тэрээһини педагогтар улаханнык сэҥээрбиттэрэ, онон сыллата ыытарга быһаарыммыттара.
Кыттааччы ахсаана сыллата уларыйа турар. Быйыл барыта 390 педагогическай үлэһит сүүмэрдиир күрэскэ сайаапкатын ыыппыта.
“Оҕолор кэскиллэрэ – педагогтар илиилэригэр диэн хаста да этэн турабын, ол аата Арассыыйа иннникитэ педагогтартан тутулуктаах. Учуутал идэтин аатын суолтатын үрдэтиинэн биһиги бырамыысыланнай тэрилтэлэрбит эмиэ дьарыктаналлара үөрүүлээх. Маныаха үтүө холобуру “РНГ” АУо көрдөрөр, номнуо үһүс сылын Саха сирин педагогтарыгар бириэмийэ туттарыы күрэһигэр генеральнай спонсорынан буолар. Хампаанньа көмөтүнэн сыллата өрөспүүбүлүкэ 100 бастыҥ учуутала 100 тыһ. солк. кээмэйдээх бириэмийэни тутар” – диэн Ил Дархан бэлиэтээн эттэ.
Күрэскэ ханнык тэрилтэҕэ үлэлииллэриттэн тутулуга суох педагогтар бары кытталлар. Манна чааһынай уһуйааннар уонна биэдэмэстибэни таһынан оскуола иннинээҕи тэрилтэ иитээччилэрэ, оҕо ускуустубатын уонна успуорт оскуолаларын преподавателлэрэ, оскуола учууталлара уонна орто анал үөрэх тэрилтэлэрин педагогтара кытталлар.
Быйыл сүүмэрдиир күрэскэ 36 муниципальнай тэриллииттэн барытыттан киирдилэр. Сыаналааһын ирдэбилин Үөрэх уонна билим министиэристибэтэ оҥорбута. Ол иһигэр үөрэнээччилэр үөрэхтэрин үрдүк ситиһиилэрэ, кинилэр олимпиадаларга уонна куонкурустарга, билим-чинчийэр үлэлэргэ кыттыыларын түмүгэ, күрэскэ кыттааччылар бэйэлэрэ идэлэринэн үрдүк ситиһиилэрэ киирэр.
Ил Дархан уонна Бырабыыталыстыба пресс-сулууспата.
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…