Хаартыска уонна видео -- Елена Потоцкая
Кыһыҥҥы суол сабыллыан иннинэ, киин куоракка бииргэ үөрэммит дьон устудьуоннааҕы эдэр саастарын ахтыһан ааһан, көрсөр кэмнэрэ үүннэ.
Ол курдук, Саха судаарыстыбаннай университетын педагогическай факультетыгар 1981-1985 сылларга үөрэммит ПиМНО (алын сүһүөх кылаас учууталларын бэлэминиир салаа), ИПО (үлэ уонна уруһуй уучууталларын бэлэмниир салаа), РОЯШ (саха оскуолаларыгар нуучча тылын уонна литературатын бэлэмниир салаа), ФО (физкултуура учууталларын бэлэмниир салаа) отделениеларын бүтэрбит дьон көрсүһүүлэрэ буолан ааста. Бу иккис төгүлүн көрсөллөр. Былырыын тутар этэрээттэр көрсүбүттэр. Тэрээһини ПиМНО-лар бэлэмнииллэр эбит.
Бу киэһэ 80-с сыллардааҕы устудьуоннар билигин өрөспүүбүлүкэ оскуолаларын тутаах учууталлара, завучтар уонна дириэктэрдэр, норуот хаһаайыстыбатын араас салааларыгар бочуоттаах үлэһиттэр эдэркээн саастарыгар төннөн, бэйэлэрин ситиһиилэрин кэпсээтилэр, көрдөрдүлэр.
Ол курдук, ИПО-81 салаатын биир бастыҥ устудьуона, билигин СӨ норуотун маастара Майкуота Ноговицына үлэлэрэ 2017 сылтан Арассыыйа уонна өрөспүүбүлүкэтээҕи таһымнаах быыстапкаҕа кытталлар эбит.
Саха Далбар Хотуна «Өбүгэ ситимэ» айар түмсүүнү тэрийэн үлэлэтэр, бэйэтин баай уопутун маастар-кылаастары ыытан үллэстэр.
Норуот маастарын үлэлэрин билиһиннэрэн туран, бииргэ үөрэммит үөлээннээхтэрэ Майкуота Васильевна тикпит саха киэргэллэрин кэтэн көрдөрдүлэр.
ПиМНО кыргыттара эмиэ тарбахтарыгар талааннаах иистэнньэҥнэрин, айар куттаахтарын көрдөрдүлэр.
Бииртэн биир талааннаах үлэ тахсан истэ. Холобур, бу ФО салаатын бүтэрбит Надежда Максимова кыбытык тигиитэ — сөҕүмэр үлэ!
Мирослава Данилова (ПиМНО-82) бэйэтэ тикпит үлэлэрэ маастарыстыба үрдүк таһымнааҕын туоһутунан буолла. Дьэ, талааннаах да дьон бааллар эбит!
Ити курдук, педфак устудьуоннара 80-с сыллардааҕы эдэр саас ырыаларын ыллаан, ол саҕанааҕы кэм муусукатынан үҥкүүлээн, эдэр саастарын эргиттилэр.
«Уонна хаһан…» диэн санаанан, толкуйтан педфак устудьуоннара аны сайын эмиэ көрсүөх буолан араҕыстылар. Ити курдук үтүөкэннээх түгэннэри бэйэ-бэйэҕитигэр бэлэхтии сылдьыҥ, күндү доҕоттор!
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…
Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон…