Хаартыска: Пелагея Левина тиксэриитэ.
Норуоттар икки ардыларынааҕы муус уонна хаар оҥоһуктар бэстибээллэрэ быйыл Кытайга Харбиҥҥа 41-с төгүлүн ыытылынна.
Бу — аан дойдуга туризм сайдыытыгар биир саамай суолталаах кыһыҥҥы тэрээһин. Ол эбэтэр 1985 сыллаахха тэриллибит хаар уонна муус бэстибээлэ бүгүҥҥү күҥҥэ биисинэс эйгэтигэр “хаар уонна муус индустрията” дэнэр буолла. Харбин — араас дойдуттан анаан кэлэн, бөдөҥ биисинэс бэрэстэбиитэллэрэ туризм араас хайысхатыгар бииргэ үлэлээһин сөбүлэҥнэрин түһэрсэр куораттара. Манна ыытыллар тымныы бэстибээлэ Япония Саппоро куоратыгар хаар бэстибээлин, Канада Квебек кыһыҥҥы карнавалын, Норвегия Осло куоратыгар ыытыллар хайыһар бэстибээлин кытта биир кэккэҕэ турар буолла. Тэрээһиҥҥэ эспиэр-судьуйа быһыытынан ыҥырыллан үлэлээбит Саха сирин бэрэстэбиитэлэ Пелагея Левина бэстибээлгэ сылдьан тугу ситиспитин туһунан маннык сырдатта:
— “Кыһын Саха сириттэн саҕаланар» кыһыҥҥы туризм бэстибээлин биир сүрүн тэрээһинэ — “Саха сирин бриллианнара” хаар уонна муус оҥоһук бэстибээлэ таһыма үрдүгүн, аан дойдуга биллиитин туоһута — дьүүллүүр сүбэ эспиэрин быһыытынан кыттыым. Эспиэр быһыытынан кэккэ туһалаах төгүрүк остуолга кыттыыны ыллым, дьону-сэргэни кытта билистим, Саха сирин уонна Дьокуускай куорат чиэһин үрдүктүк көмүскээтим.
Бииргэ үлэлээһиҥҥэ сыһыаннаах кэпсэтиилэр түмүктэринэн Дьокуускайдааҕы оҕо художественнай оскуолатын үөрэнээччилэригэр уонна айар куттаах устудьуоннарга аналлаах Дьокуускай уонна Харбин куораттар икки ардыларыгар култуурунай бырайыктары олоххо киллэриэхпит.
Өссө биир үөрүүлээх сонун – миигин хаар уонна муус скульптордарын Норуоттар икки ардыларынааҕы ассоциациятыгар чилиэнинэн ыллылар. Норуоттар икки ардыларынааҕы куонкурус эспиэр-судьуйатынан анаатылар.
Ити курдук, Тымныы полюһунан аатырар Өймөкөөнтөн төрүттээх, хаары уонна мууһу кытта эҥэрдэһэн оҕо сааһа ааспыт, Дьокуускай куорат дьаһалтатын култуураҕа дэпэртээмэнин сүрүннүүр исписэлииһэ, «Саха сирин бриллианнара» хаар уонна муус бэстибээлин эппиэттээх тэрийээччитэ Пелагея Левина 2026 сыл бастакы күннэригэр Кытайга тиийэн үлэлээтэ.
Сыл бастакы ситиһиитин — Норуоттар икки ардыларынааҕы куонкурус эспиэр-судьуйатынан анаммыт туоһу докумуону туппутунан кини дойдутугар кэллэ.
Бүгүн, тохсунньу 13 күнүгэр, Арассыыйа бэчээтин күнэ. Бу күн "Саха сирэ" хаһыат тутаах үлэһитэ, корректора…
"Полюс холода - Оймякон" марафоҥҥа хаһааҥҥытааҕар да элбэх киһи кыттыаҕа. Марафон номнуо сэттис төгүлүн ыытыллар.…
Эспиэрдэр иһит сууйар "Фейри", уо.д.а. араас убаҕастар буортулаахтарын туһунан өрүү суруйаллар. Оттон саамай буортулааҕынан иһит…
Дьокуускайга сокуону кэһэн туран арыгы атыылааһын хас да түгэнин полиция үлэһиттэрэ туттулар. Ол курдук сэрэтэр…
Өспөх нэһилиэгин волонтердара Дьокуускайга "Добровольцы" волонтердар хамсааһыннарын филиала буолан, үһүс сылбытын хаххалыыр сиэккэни оҥорон бэлэмниибит.…
“Инникигэ хардыы” кэмпириэнсийэ-күөн күрэскэ тыһыынчаттан тахса чинчийии тухары араас тиэмэлээх, киэҥ далааһыннаах үлэлэр, саҥа арыйыылар,…