“Пенная станция” бар-маҕаһыын 500 тыһ. солк. ыстарааптаныаҕа

Ааспыт нэдиэлэҕэ куоракка арыгы бородууксуйатын батарыы быраабылатын уонна «алкотуочукалар» өттүлэриттэн кэһиилэр тахсыбыттарын туппуттар. Бу туһунан Дьокуускай мээрэ Евгений Григорьев бүгүҥҥү планеркаҕа иһитиннэрдэ.

“Дьокуускай” ИДьМ МУ сотрудниктара арыгыны атыылааһын быраабылатыгар 8 кэһии тахсыбытын быһааран, боротокуол толорбуттар, 25 лиитэрэ испиири былдьаабыттар.

«ВКонтакте страницабар ааҕааччыларым иһитиннэрбит 61 «алкотуочука» испииһэгиттэн нэдиэлэ устата 25 эбийиэги бэрэбиэркэлээтилэр. Стадухин уулуссатыгар “Пенная станцияҕа” уонна 202 түөлбэҕэ “Токко маҕаһыыҥҥа кэһиини буллулар. Дьокуускай куорат административнай хамыыһыйата 4 боротокуолу маннык  «алкотуочукаларга» толордо: “Маяк” маҕаһыын, “Добрый” маҕаһыын (2 кэһии), “Индира” бородуукта маҕаһыына. Ону тэҥэ СӨ КоАП 6.25ыст.2ч. “БИ-ГРУПП” ХЭТ “Пенная станция” утахтары кутан атыылыыр бар-маҕаһыыҥҥа 500 тыһ. солк. суумалаах 1 боротокуол толорулунна.  “Точка” пивной-бар маҕаһыын, “Биир-Кут” бар (Каландрашвили 38/2) боротокуол бэлэмнэнэр.

ГАИ итирик туруктаах 48 суоппары тутта, кинилэритэн 6 киһи хаттаан түбэстилэр, онон холуобунай буруйга тардыллыахтара», — диэн мээр ТГ ханалыгар  иһитиннэрдэ.