Хаартыска -- Ксенья Васильева тиксэриитэ.
Бу күннэргэ Пермь куоракка Территориальнай уопсастыбаннай салайыныы (ТОС) пуорума Арассыыйа эрэгийиэннэрин түмтэ.
Тэрийээччилэр – территориальнай уопсастыбаннай салайыныыны Арассыыйатааҕы ассамблеята, Пермскэй кыраай бырабыыталыстыбата, муниципальнай тэриллиилэр Арассыыйатааҕы кэнгириэстэрэ, Пермскэй кыраай муниципальнай тэриллиилэрин сэбиэтэ, Территориальнай общественнай салайыныы (ТОС) Пермскэй кыраайдааҕы сэбиэтэ.
Пуорум соругунан олоххо көхтөөх дьону түмүү, гражданскай уопсастыбаны олохтоох таһымҥа көҕүлээһин, суолталаах боппуруостары быһаарыыга уонна территорияны сайыннарыыга дойду эрэгийиэннэрин бастыҥ уопутун атастаһыы буолла.
Суолталаах дойду таһымнаах тэрээһин туһунан Горнай улууһун «Бэрдьигэстээх нэһилиэгэ» МТ баһылыгын солбуйааччы, Территориальнай уопсастыбаннай салайыныы (ТОС) Саха сиринээҕи Ассоциациятын салайааччыта Ксенья Васильева маннык сырдатта:
— Пуорумҥа Саха сириттэн 5 киһилээх дэлэгээссийэ кыттыыны ылла: Сунтаар улууһун «Сунтаар нэһилиэгэ» МТ дьаһалтатын кылаабынай исписэлииһэ Светлана Егорова, Горнай улууһун «Бэрдьигэстээх нэһилиэгэ» МТ дьаһалтатын кылаабынай исписэлииһэ Наталия Капитонова, Горнай улууһун Бэрдьигэстээх нэһилиэгин «Сардаана» ТОС бэрэссэдээтэлэ Любовь Мордовская, Горнай улууһун Одуну нэһилиэгин «Айтал» ТОС бэрэссэдээтэлэ Жоржетта Текеянова уонна мин.
Бастакы күн 6 санаа атастаһыытын былаһаакката үлэлээтэ. Онно мин Территориальнай уопсастыбаннай салайыныы (ТОС) Саха сиринээҕи ассоциациятын салайааччытын быһыытынан, «Территорияны сайыннарыыга уопсастыбаннай бырайыактары судаарыстыбаннай уонна муниципальнай өйөөһүн быраактыката» былаһааккатыгар бастыҥ уопуттар холобурдарынан дакылаат аахтым.
«Айтал» ТОС салайааччыта Жоржетта Текеянова былаас уорганнара уонна олохтоох дьаһалталар бииргэ үлэлээһиннэрин туһунан уопутун үллэһиннэ. Сунтаар нэһилиэгин дьаһалтатын исписэлииһэ Светлана Егорова «ТОС-тар — уопсастыбаны уларытыы лиидэрдэрэ»диэн бырайыактыыр сиэссийэҕэ кытынна.
Тэрээһиҥҥэ РФ Судаарыстыбаннай Дууматын дьокутааттарын кыттыылара пуорум суолтатын олус үрдэттэ. Любовь Мордовскаяҕа РФ Судаарыстыбаннай Дууматын дьокутаата Виктор Кидяев «ТОС бастыҥ салайааччыта» диплому туттарда.
Оттон РФ Судаарыстыбаннай Дууматын дьокутаата Сергей Еремин Горнай улууһун «Одуну нэһилиэгэ» МТ “Айтал “ ТОС бэрэссэдээтэлигэр Жоржетта Текеяноваҕа «Чөл олох, физическэй култуура уонна успуорт»номинацияҕа кыайыылаах дипломун туттарда.
Ону сэргэ «Тупсаран оҥоруу уонна экология» номинацияҕа дипломунан Диана Соломонова, Таатта улууһун «Орто Амма нэһилиэгэ» МТ «Теплица» ТОС бэлиэтэннилэр.
Ити курдук, олус туһалаах тэрээһиҥҥэ кыттан, бэрт элбэҕи көрдүбүт-иһиттибит, ол ону үлэбитигэр хайаан да туһаныахпыт.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…