Песков ефрейтор Григорьев Арассыыйа Дьоруойа ааты хайдах ылбытын туһунан кэпсээтэ

РФ Бэрэсидьиэнин пресс-сэкирэтээрэ Дмитрий Песков хорсун быһыытын кэнниттэн ефрейтор Андрей Григорьевка Арассыыйа Дьоруойа ааты иҥэрии хайдах түргэнник быһаарыллыбытын туһунан быһаарда.

Бу туһунан ТАСС суруйар. «Бу сыалга тустаах бэрээдэк баар. Кини наҕараадаҕа түһэриллибитэ, оттон Бэрэсидьиэн маннык быһаарыыны ылыммыта», — диэн Кириэмил бэрэстэбиитэлэ брифинг кэмигэр суруналыыстар ыйытыыларыгар хоруйдаата. Санаттахха, Григорьев өстөөҕү кытта хапсыһыытын видеота уонна интервьюта сыл саҥатыгар социальнай ситимнэринэн күүскэ тарҕаммыта.

Хорсун байыас өстөөҕү кытары биир-бииргэ киирсибит видеота тарҕаммытын кэнниттэн, өссө хас да күн устата сылдьан утарылаһааччылары, бронетехникалары суох оҥорбута, боеприпастаах ыскылааты эспитэ биллэр.

Ефрейтор Андрей Григорьев Арассыыйа Дьоруойа буолла