Хаартыска: РБК
«Петелинка» диэн ааттаах куурусса этигэр сальмонелла бактыарыйалара бааллара билиннэ. Бу туһунан «SHOT Проверка» телеграм-ханаал иһитиннэрэр.
«Бройлер кууруссаттан «Премиум» эриллибит эт анаалыһа лабораторнай бэрэбиэркэни ааспата» диэн иһитиннэриигэ этиллэр.
Суруналыыстар этэллэринэн, бу эт баартыйатын Москуба уобалаһыгар баар «Куриное Царство» АУо оҥорон таһаарбыт. Балаҕан ыйыгар эриллибит эт анаалыһа бэрэбиэркэҕэ бэриллибитэ. Ол кэнниттэн, хампаанньаҕа сэрэтии биэрбиттэрэ.
Бу «Петелинка» бородууксуйатыгар сальмонелла көстүүтүн бастакы түбэлтэтэ буолбатах. Ыам ыйыгар «Роспотребнадзор» итинник кэһиини официальнайдык бигэргэппитэ. Онно иһитиннэрбитинэн, бу боппуруоһу «Черкизово» бөлөх састаабыгар киирэр «Куриное Царство» АУо бэрэстэбиитэллэрин кытта көрсүһүүгэ дьүүллэспиттэрэ.
«Черкизово» бөлөх бэрэстэбиитэллэрэ кэлин бэйэлэрин эбийиэктэригэр хаачыстыба уонна куттал суох буолуутун бары стандартарын кытаанахтык тутуһалларын, электроннай докумуоннары «Меркурий» систиэмэтигэр киллэрэллэрин туһунан иһитиннэрбиттэрэ.
Санатар буоллахха, бу сайын Нерюнгритааҕы көтөр фабрикатыгар эмиэ сальмонелла булуллан, Олоҥхо Ыһыаҕар ыалдьыттаабыт 90 киһи сүһүрбүтэ.
Харчытын сатаан суоттанар киһи хаһан да, туохха да ночоотурбат дииллэр. Ол эрээри киһи, үөйбэтэх өттүттэн…
Тохсунньу 23 күнүгэр СӨ Национальнай бибилэтиэкэтин Историческай саалатыгар норуот бэйиэтэ, СӨ култууратын үтүөлээх үлэһитэ, тылбаасчыт,…
2026 сыл тохсунньу 17 күнэ – Өймөкөөн улууһугар туризмы сайыннарыыга туһуламмыт көмүс буукубанан суруллубут устуоруйа…
Бэҕэһээ, тохсунньу 23 күнүгэр, Горнай улууһун Бэрдьигэстээх сэлиэнньэтигэр Мэхээлэ Дьөгүөрэп аатынан сынньалаҥ киинигэр нэһилиэккэ биллэриллибит…
“Итии чэй” рубрика бүгүҥҥү ыалдьыта Микиитэ Айанньыытап. Микиитэ “Зема” ыччат уопсастыбаннай түмсүүтүн өрөспүүбүлүкэтээҕи холбоһугун бэрэссэдээтэлэ,…
Бүлүү улууһун ыраах Хаҕын орто оскуолатын 10 үөрэнээччитэ Москва, Санкт-Петербург, Казань куораттарыгар “Нуучча филологията”, “Тыллары…