Хаартыска: социальнай ситимтэн
Санкт-Петербург худуоһунньуга олоҕун толук уурбут саха Дьоруойун мэтириэтин уруһуйдаата. Онон «Уголь земли русской» федеральнай бырайыак чэрчитинэн, өссө биир мэтириэт — биир дойдулаахпыт, Арассыыйа Дьоруойа Дмитрий Егоров өлбөт-сүппэт мөссүөнэ эбилиннэ.
Ороһуоспаҕа бэрэсидьиэн Владимир Путин байыаннай дьайыыга тыыннара быстыбыт буойуттар дьиэ кэргэттэрин кытта көрсүбүтэ. Онно Дмитрий Егоров кэргэнэ, оҕолоро бааллара. Аҕаларын ситэ олорботох олоҕун кинилэр салгыыллар.
Буойуттар дьиэ кэргэттэрин кэмитиэтин Саха сиринээҕи ыстаабын салайааччы Марина Бахилина хорсун быһыы, Дьоруой мөссүөнэ умнуллуо суохтаах диэн санааттан, Санкт-Петербурга баар кэмитиэт салайааччыта Любовь Рубаникка көрдөһүүлээх тиийбитэ. Рубаник Петербург худуоһунньуктарын кэпсэтэн, Дьоруой мэтириэтин уруһуйдуулларыгар кэпсэппитэ.
Мэтириэти худуоһунньук Виктор Чернов уруһуйдаата. Худуоһунньук бэйэтэ эмиэ байыаннай дьайыы кыттыылааҕа, уруккута «Росгвардия» байыаннай сулууспалааҕа. Дьоруой аатын үйэтитиигэ бэйэтин кылаатын киллэрэргэ быһаарыммыта.
Дмитрий Егоров — дьиҥнээх патриот уонна Аҕа дойдуну көмүскээччи. Төрөөбүт дойдутунан киэн туттан, «Сунтаар» диэн позывнойдаах этэ. Кыайыы туһугар тиһэх тыыныгар диэри охсуһан, Ийэ дойдутун туһугар олоҕун толук уурбута.
«Уголь земли русской» — бу Аҕа дойдуну көмүскээччилэр, байыаннай дьайыы Дьоруойдарын мэтириэттэрин быыстапката. Манна худуоһунньуктар мэтириэттэрин анал чоҕунан уруһуйдууллар.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…