Бүгүн Саха Өрөспүүбүлүкэтин күнэ – өрөгөй күнэ. Бу бэлиэ күн иитинэн элбэх араас тэрээһин ыытылынна.
Бүгүн дьон-сэргэ сүргэтэ көтөҕүллэн, үөрэн-көтөн туран, сахалыы сайбаччы таҥнан бырааһынньыктыы таҕыста. Бэлиэ күн туһунан Өлүөнэ тардыытынааҕы уу салалтатын салайааччыта Петр Аргунов бэйэтин санаатын үллэһиннэ:
— Бу бэлиэ күн – Өрөспүүбүлүкэ күнэ миэхэ ураты суолталаах. Бу олох кэнники «Жизнь замечательных людей» диэн Исидор Барахов туһунан кинигэтин ис-иһигэр киирэммин ааҕан бараммын, элбэҕи биллим. Итини таһынан ити сиэрийэттэн Өксөкүлээх Өлөксөй туһунан ааҕан, үлэлэрин кытары билсэн бараммын, бу чулуу дьон, хайдахтаах уустук кэмҥэ РСФСР иһигэр автномияны ылар иһин турууласпыттарын сөҕө санаатым. Оччолорго Аммосовтаах, Ойуунускайдаах сүүрбэлэрин ааспыт эрэ эдэр дьон Москваҕа тиийэ туруорсубуттарын сөҕө-махтайа, ол аата үрдүк таһымнаахтарын көрдөрөр дии санаатым.
Урут кистээбэккэ эттэххэ, үрдүнэн-аннынан истэн-ааҕан билэр буоллахпына, кэлин бу улуу дьон туһунан сирийэн ааҕан, дириҥник билэн-көрөн баран Саха сирэ сайдарыгар, судаарыстыба быһыытынан сайдарыгар олус улахан дьыаланы оҥорбуттар эбит диэн итэҕэйдим.
Судаарыстыбаны төрүттэспит саха чулуу уолаттара бары өттүнэн дэгиттэр билиилээх-сайдыылаах, ураты таһымнаах, таһыччы өйдөөх-санаалаах саха саарыннара эбиттэр. Онон бу өрөгөйдөөх күҥҥэ кинилэргэ сүгүрүйэн, ахтан-санаан, кэриэстээн ааһарбыт ытык иэспитинэн буолар.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…