Петр Чехордун «Биир Ньыгыл Арассыыйа» баартыйа пуорумун туһунан санаатын үллэһиннэ

«ПРОконсолидация-Якутия» бырайыак салайааччыта Петр Чехордун «Биир Ньыгыл Арассыыйа» баартыйа пуорумун туһунан санаатын үллэһиннэ:

— Мин бүгүн биир хайысханан үлэлиир күүстэр сомоҕолоһууларын көрөн үөрдүм. Төһө даҕаны чугас уонна баҕалаах сыалга-сорукка тиийэ сатаатарбыт, тус-туспа хайысханы тутуһар буоллахпытына туох даҕаны табыллыбатын билэбин. Оннукка төһө даҕаны сыраны-сылбаны бараа, түргэнник эстэр-быстар буоллахпыт. Онон биир санааҕа кэлэн, биир суолу батыһан иһэрбит ордук. Сомоҕолоһуу күүһэ онно баар. Бары атын дьон да буолларбыт, бииргэ хамсаан биир түмүккэ кэлиэхтээхпит дии саныыбын.