Хаартыска. Степан Дмитриев тиксэриитэ.
Үөһээ Бүлүү улууһун Балаҕаннаах нэһилиэгин эдэр пиэрмэрэ Петр Кардашевскай 2016 сыллаахха өрөспүүбүлүкэ Тыатын хаһаайыстыбатын министиэристибэтин “Саҥа саҕалааччы пиэрмэр” куонкуруһугар кыттан, кыайан 1 мөлүйүөн 500 тыһыынча суумалаах грант ылан үлэтин саҕалыырыгар 4 эрэ ынах сүөһүлээх этэ.
Үлэлээбит сылларыгар кини ынах сүөһүтүн 90 тахса төбөҕө тиэрдэн, СӨ Тыатын хаһаайыстыбатын министиэристибэтин гранын балаһыанньатын 5 сыллаах ирдэбилин эрэллээхтик толордо. Ил Дархан Айсен Николаев 2023 сылы Үлэ сылынан биллэрдэ. Онон Петр Владимирович үлэ сылыгар сыал-сорук туруорунан “Сээс” тыа хаһаайыстыбатын өҥөнү оҥорор кэпэрэтиибин тэрийэн, нолуок тэрилтэтигэр регистрациятын бигэргэттэ.
Кини бүгүн кэпэрэтиипкэ 100 төбө ынах сүөһүгэ аналлаах хотон тутуутугар ТХМ-тин куонкуруһугар кыттар санаалаах боппуруостары быһаарса, сүбэлэтэ тыа хаһаайыстыбатын миниистирэ Александр Атласовка уонна миниистири бастакы солбуйааччы Петр Поповка приемҥа киирэ сырытта. Александр Павлович, Петр Иванович эдэр кэпэрэтиип салайааччыта Петр Владимировичка куонкуруска киирсэр докумуоннары ситэрэн-хоторон бэлэмнииригэр сүбэлээтилэр, үлэтин тиһэҕэр тиэрдэригэр, саҕалаабыт үлэтэ-хамнаһа түмүктээх буоларыгар уонна эдэр дьон тыа хаһаайыстыбатыгар ылсан үлэлииллэрин өйүүллэрин биллэрдилэр.
2022 сыллаахха Балаҕаннаах нэһилиэгин өрүс арыытыгар оттообут отун Бүлүү өрүс уута таһымнаан, илдьэ барбытыгар өрөспүүбүлүкэ Тыатын хаһаайыстыбатын министиэристибэтэ көмөлөһөн, атыыласпыт отун 30 % уонна оту тиэйэр ороскуотун толору уйунан, Хатастан от тиэйтэрэн аҕалла. Улуус иһиттэн — Далыртан, Мэйиктэн от ылан, сотору аҕалан кыстыгы этэҥҥэ туоруурга эрэллээх.
Петр Владимирович билиҥҥи туругунан бэйэтин хаһаайыстыбатыгар эбии 4 ыал сүөһүтүн дуогабар быһыытынан ылан көрө олорор. Кини 100 төбөҕө кэпэрэтиип хотонун тутарга тустаах министиэристибэтин куонкуруһугар кыттар баҕалаах. Инники өттүгэр сүөһүлэрин иитиини сааһыран тохтотуон баҕарар дьоҥҥо көмөлөһөн, кинилэри кэпэрэтиипкэ киллэрэн, сүөһүлэрин ылан көрөн, эспэттэригэр көмөлөһөр сыаллаах-соруктаах бу кэпэрэтииби тэрийбитэ хайҕаллаах.
Петр Кардашевскай курдук эдэр патриот уолаттар Үлэ сылыгар үлэҕэ-хамнаска ылсан эрэллэриттэн, кинилэри тыа сирин дьоно-сэргэтэ, өрөспүүбүлүкэ, улуус салалталара өйүөхтэрэ дии саныыбыт.
С.И.Дмитриев, Үөһээ Бүлүү Балаҕаннаах нэһилиэгин баһылыга
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…
Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр. Суукка иһигэр барыта…
Улуу Кыайыы үбүлүөйдээх 80 сылын көрсө Марха бөһүөлэгэр 101 саастаах Аҕа дойду Улуу сэриитин кыттыылааҕа…