Петр Колчин: «Саха Өрөспүүбүлүкэтин бырабыыталыстыбата  40% саҥардылынна»

Ил Түмэн уочараттаах мунньаҕар норуот дьокутааттарын сөбүлэҥинэн Саха Өрөспүүбүлүкэтин Бырабыыталыстыбатын саҥа састааба бигэргэммитэ.

Саха сирин бырабыыталыстыбатыгар саҥа састаап уратытын туһунан  экспертнэй арыаллааһын киинин политолога Петр Колчин «Ленскэй кулуупка» кэпсээтэ.

— Саха сирин бырабыыталыстыбатын састааба эдэрсийдэ: өскөтүн, урут кабинет чилиэттэрин орто саастара 48 эбит буоллаҕына, билигин 45 сааска тиийбэт. Бырабыыталыстыба саҥа бэрэссэдээтэлэ Кирилл Бычков урукку премьердээҕэр 11 сылынан эдэр, — диэн бэлиэтиир Петр Колчин.

Саха Өрөспүүбүлүкэтин бырабыыталыстыбата  40% саҥардылынна. Ол курдук өрөспүүбүлүкэ үлэһит каадырдары бэйэтин иһиттэн таһаарда. Саҥа дуоһунаска анаммыт дьон ортотугар каадыр куонкурустарын эрэгийиэннээҕи  кыайыылаахтара бааллар. «Холобур, үөрэх уонна наука саҥа миниистирэ Нюргуна Соколова «Якутия, вперед»  диэн куонкурус быйылгы кыайыылааҕа буолар. Саха сирэ салайар үлэ быраактыкатыгар ситиһиилээҕин уонна инники күөҥҥэ сылдьарын көрдөрөр. Маннык быраактыка Арассыыйаҕа эрэ буолбакка, аан дойду таһымыгар инники күөҥҥэ сылдьар, — диир Петр Колчин.

Сүрүн вице-премьердары оннунан хаалларыы өрөспүүбүлүкэ баһылыга туруорбут стратегическай соруктарын быһаарыыга утумнаах уонна көдьүүстээх үлэни хааччыйыаҕа.