Петр Кондратьев «Сахаэнерго» генеральнай дириэктэринэн ананна

«Якутскэнерго» ПАУо иһинэн киирэр «Сахаэнерго» хампаанньа генеральнай дириэктэринэн Петр Кондратьев ананна. Бу туһунан хампаанньа пресс-сулууспата иһитиннэрдэ.

Петр Кондратьев энергосистиэмэ салаатыгар үлэтин 2003  сыллаахха Киин электрическэй ситимнэргэ  электромонтерунан саҕалаабыт.  2006 сыллаахха Суһал-диспетчерскэй сулууспа диспетчеригэр көһөрбүттэр. 2007 сыллаахха туһааннаах сулууспа начаалынньыгын солбуйааччытынан, оттон   2008 сылтан начаалынньыгынан анаммыт.

2011 сыллаахха  Петр Кондратьев  Киин электрическэй ситимнэргэ  кылаабынай инженеринэн анаммыт.

2016  сыл бэс ыйын 5 күнүттэн «Сахаэнерго» АУо дириэктэрдэрин сэбиэтин быһаарыытынан,  хампаанньа генеральнай дириэктэрин бастакы солбуйааччытынан-кылаабынай инженерэ буолбут.

Петр Кондратьев 1981 сыллаахха Дьокуускай куоракка төрөөбүт. Москватааҕы хайа судаарыстыбаннай университетын «Электроснабжение горного производства» диэн салаатын бүтэрбит.