Ахсынньы 28 күнүгэр, Саха сирин Национальнай ойуулуур-дьүһүннүүр мусуойугар судаарыстыбаннай уонна биэдэмэстибэлэр наҕараадаларын, СӨ Култуураҕа уонна духуобунай сайдыыга министиэристибэтин наҕараадаларын үөрүүлээх быһыыга-майгыга туттардылар.
Бүгүн Саха тыйаатырыгар үөрүүлээх сонун кэллэ. Былатыан Ойуунускай аатынан Саха тыйаатырын дириэктэрэ Петр Макаровка “СӨ үтүөлээх артыыһа” үрдүк аат иҥэрилиннэ.
“Улахан кэлэктииби салайыы дьулууру, тулууру, өйдөһүүнү уонна күүрээннээх үлэни эрэйэр. Эн өрөспүүбүлүкэ култууратын улахан киинин — үйэлээх устуоруйалаах, дойду тас өттүгэр киэҥ билинииини ылбыт биллэр-көстөр талааннаах артыыстардаах Саха академическай тыйаатырын салайаҕын.
Эн тыйаатыр ускуустубата сайдарыгар тус кылааккын киллэрэрэ сылдьаргар махталбытын ис сүрэхтэн этэбит уонна инниҥ диэки дьулуурдаахтык айанныыргар, саҥа ситиһиилэри уонна уостубат тэтими баҕарабыт”, — диэн тыйаатыр кэлэктиибэ истиҥ эҕэрдэтин тириэртэ.
БЫҺААРЫЫ:
Петр Тимофеевич Макаров 2002 сыллаахха Судаарыстыбаннай академическай Малай тыйаатыр иһинэн М.С.Щепкин аатынан Тыйаатыр үрдүкү училищетын, 2017 сыллаахха Москваҕа “Сыана ускуустубатын диэйэтэллэрин үрдүкү оскуолата” эбии үөрэхтээһин чааһынай тэрилтэтин бүтэрбитэ. 2020 сылтан П.А.Ойуунускай аатынан Саха академическай тыйаатырын салайар.
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…