Петр Николаев: “МАХ” национальнай мессенджери туһаныы – сыыппараҕа куттал суох буолуутугар хардыы

МАХ олохтоох саҥа мессенджер – бу өрөспүүбүлүкэ олохтоохторо сыыппара эйгэтигэр куттала суох буолууларын хааччыйар хардыы.

“МАХ” олохтоох мессенджери олоххо киллэрии – Саха сиригэр сыыппара эйгэтигэр куттал суох буолуутугар өрө тахсыы: дааннайдары Арассыыйа ыстандаартынан ааҕары, судаарыстыбаннай өҥөнү кытта ситимниири уонна үлэ түргэн тэтимин хааччыйар. Ордук тус дааннайдары ханна да ыыппакка QR-код нөҥүө элбэх оҕолоох ыалтан саҕалаан устудьуоҥҥа диэри өҥөнү оҥорор, бириэмэни кэмчилиир, бүрэкирээтийэни намтатар ID сыыппара өҥө сыаналанар. Хас биирдии Саха сирин олохтооҕо тас дойду платформатыттан тутулуктаммакка, иһитиннэриини куттала суох, түргэн платформанан ыытыһалларыгар Инновация министиэристибэтэ киэҥник тарҕатабыт” – диэн СӨ инновациятын, сыыппараҕа сайдыытын уонна инфокоммуникационнай технологияларга миниистирэ Петр Николаев эттэ.

МАХ-ка Арассыыйа эбэтэр Белоруссия төлөпүөннэрин нүөмэрдэринэн эрэ бэлиэтэниини (регистрация) ааһыахха сөп. Бу туһунан Ил Дархан уонна Бырабыыталыстыба пресс-сулууспата иһитиннэрэр.