Петр Петров: «Кыһалҕа чугастан быһаарыллара ордук”

Бүгүн СӨ Ил Дархана Айсен Николаев Судаарыстыбаннай Мунньахха (Ил Түмэҥҥэ) Анал этиитин тыа дьоно үлэ-хамнас быыһыгар сырытталлар даҕаны, иһиттилэр, сэргээтилэр.

Мэҥэ Хаҥалас улууһун “Тарат” кэпэрэтиип салайааччыта Петр Петров санаатын маннык үллэһиннэ:

— Өрөспүүбүлүкэбит Ил Дархана Айсен Николаев 2025 сылтан улуустар саамай сүрүн дьарыкпытын – тыа хаһаайыстыбатын бэлиитикэтин сүрүн хайысхаларын бэйэлэрэ  быһаарыахтара диэтэ. Ол сөп дии саныыбын. Кыһалҕа чугастан быһаарыллара  ордук. Хас биирдии улуус бэйэтэ кыһалҕалаах, ол миэстэтигэр быһаарыллара туһалаах, көдьүүстээх буолуоҕа.