Хаартыска СӨ Баһылыгын уонна Бырабыыталыстыбатын пресс-сулууспатыттан
РФ Бырабыыталыстыбата 2035 сылга диэри Арктика 15 тирэх нэһилиэнньэлээх пуунун биир кэлим социальнай-экэнэмиичэскэй сайдыытын уһун кэмнээх былаанын бигэргэттэ. Ол иһигэр, Булуҥ улууһун Тиксии-Найба агломерацията.
Саха сирин экэниэмикэҕэ миниистирэ Петр Попов быһаарбытынан, Тиксии-Найба агломерация маастар-былаана РФ бэрэсидьиэнэ Владимир Путин сорудаҕынан оҥоһуллубута.
2030 сылга диэри Тиксии бөһүөлэгин уонна Наайба сэлиэнньэни тупсарыы торумнанар. Наайбаҕа муора терминала уонна Уус Куйга бөһүөлэгэр кыра кыамталаах атом ыстаансыйата тутуллуохтаахтар.
“Дойду бырабыыталыстыбата маастар-былааннары олоххо киллэрэргэ Арктика нэһилиэнньэлээх пууннарын биир кэлим социальнай-экэнэмиичэскэй сайдыыларын уһун кэмнээх былааннарын бигэргэттэ. Өрөспүүбүлүкэ бырабыыталыстыбата бу докумуону оҥорууга уонна ситэриилээх былаас федеральнай уорганнарыгар тэрээһиннэри сөбүлэһиннэриигэ көхтөөхтүк кыттыбыта. Бастатан туран, Наайба сэлиэнньэтин сиригэр-уотугар дириҥ уулаах байҕал пуордун уонна Күчүк кластерын сирин баайын туһанааччылар байҕалга тахсалларын, ону сэргэ Дьааҥы бөлөх улуустарыгар таһаҕаһы тириэрдиини хааччыйар “Уус Куйга-Наайба” кыһыҥҥы суол тутуутун бигэргэтиигэ”, — диэтэ Петр Попов.
Петр Попов эппитинэн, ону таһынан бырайыакка тырааныспар эйгэтигэр кэккэ тэрээһиннэр киирэллэр.
“Маастар-былаан Тиксии уонна Наайба олохтоохторун санааларын учуоттаан оҥоһуллубута. Биир кэлим былаан уопсастыбаннай тутуулар уонна үөрэхтээһин, доруобуйа харыстабылын, култуура уонна успуорт эбийиэктэрин, коммунальнай инфраструктураны сайыннарыы уо.д.а. суоттарыгар олох хаачыстыбатын үрдэтиигэ туһуланар. Экология балаһыанньатын тупсарарга “Генеральная уборка” федеральнай бырайыагы олоххо киллэрии чэрчитинэн, Тиксии акваторийыгар 12 тимирбит суудунаны түһүмэҕинэн суох оҥоруу былааннанар”, — диэтэ Петр Попов.
Маастар-былаан уопсай бүддьүөтэ 41 миллиард солкуобайга, ол иһигэр 2025-2027 сылларга бары источниктартан ылыллар 3,3 миллиард солкуобайга тэҥнэһэр.
СӨ Ил Дарханын уонна бырабыыталыстыбатын пресс-сулууспата
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…