Петр Шамаев бойобуой сорудах толорор кэмигэр бааһырда

СӨ Ыччакка уонна социальнай коммуникацияларга миниистирэ Петр Шамаев анал байыаннай дьайыы зонатыгар бойобуой сорудаҕы толорор кэмигэр бааһырда. Бу туһунан СӨ Бырабыыталыстыбатын бэрэссэдээтэлэ Кирилл Бычков иһитиннэрдэ.

«Ис дууһабыттан биир идэлээхпэр уонна доҕорбор Петр Шамаевка өйөбүлбүн биллэрэбин уонна түргэнник үтүөрэригэр баҕарабын. Кини анал байыаннай дьайыы зонатыгар ыараханнык бааһырда. Уустук балаһыанньаҕа биһиги байыастарбыт дьоруойдуу быһыыларын көрдөрөллөр, күүстээх санаалаахтар уонна ийэ дойдуларыгар бэриниилээхтэр. Биһиги эрэнэбит — өстөөҕү хайаан да кыайыахпыт, Кыайыы биһиэнэ буолуоҕа! Петр Васильевичка доруобуйаҕын төһө кыалларынан түргэнник чөлүгэр түһэрэргэр баҕарабын!» — диэн Кирилл Бычков ТГ-ханаалыгар суруйар.

Петр Шамаев былырыын Оборуона министиэристибэтин кытта хантараак түһэрсэн, ийэ дойду көмүскэлигэр туруммута. Билигин ыччат миниистирин эбээһинэһин Арассыыйа Дьоруойа Игорь Юргин толорор.