Андрей Сорокин хаартыскаҕа түһэриитэ, СИА
Ил Дархан Айсен Николаев Петр Шамаевы кытта көрүстэ. Байыаннай дьайыы кыттыылааҕа көрсүһүүгэ доруобуйатын чөлүгэр түһэрэн баран СӨ ыччат дьыалатын уонна социальнай алтыһыытын министиэристибэтигэр үлэтигэр төннөрүн эттэ.
Бу күннэргэ Петр Шамаев ылбыт бааһырыытын кэннитэн эмтэнэ сылдьар.
—Этэҥҥэбин. Массааска сылдьабын, чэбдигирдэр физкултууранан дьарыктанабын. Быраастар сүбэлэринэн ыйыллыбыт уһуннаах сиргэ сүһүөхпүн эрчийэн баттыктаах уонна баттыга суох хаамабын. Эмтэнэн бүтэн баран үлэлииргэ бэлэммин, өр күүппүт Кыайыыбыт кэлэ охсорун туһугар, — диир Петр.
Айсен Николаев Петр Шамаевка үлэтигэр кэлэргэ уонна уопсастыбаҕа туһаны аҕаларга бэлэмин иһин махтанна.
—Саха сирин туһугар өрө көтөҕүллүүлээхтик үлэлииргэр эрэнэбин. Ордук ыччаты кытта уонна патриотическай иитиигэ туһуламмыт наадалаах хайысхаҕа, — диэтэ Ил Дархан.
Петр Шамаев Ил Дархан итэҕэлин иһин махтанна уонна уопсастыба өссө күүскэ сомоҕолоһоругар, патриотическай иитии биир ситимҥэ киирэн күүһүрэригэр кыаҕа баарынан үлэлиргэ эрэннэрдэ.
Санатан эттэххэ, Петр Шамаев 2024 с. күһүн Ийэ дойдутун көмүскүү СВО барбыта. Кини сулууспатын кэмигэр СӨ ыччат дьыалатын уонна социальнай алтыһыытын миниистирин эбээһинэһин Арассыыйа Дьоруойа, «Дьоруойдар кэмнэрэ» бырагыраама кыттыылааҕа Игорь Юргин солбуйда. Кини ыам ыйыттан дойду үөрэҕин министиэристибэтигэр үлэлиир.
Сиһилии: https://www.sakha.gov.ru/news/5931 манна киирэн ааҕыҥ.
СӨ Ил Дарханын уонна Бырабыыталыстыбатын пресс-сулууспата
Баһаартан сэрэхтээх буолуу сезона саҕаланыаҕыттан Саха сиригэр 124 ойуур баһаарын умуруордулар. Бэс ыйын 6 күнүнээҕи…
Сахабыт сиригэр өлгөмнүк үүнэр дөлүһүөн отонун, сэбирдэҕин, сибэккитин уонна силиһин норуот мэдиссиинэтигэр былыр-былыргыттан туһаналлар. Айылҕа…
Хаҥалас оройуонугар муниципальнай сулууспалаах уурайарыгар сокуоннайа суох төлөбүрдэри анааһын чахчынан холуобунай дьыала тэрилиннэ. Хаҥалас оройуон…
Бэс ыйын 6 күнүгэр «Саха» НКИХ FM 107,1 «Тэтим» араадьыйа долгунугар 13:05 чаастан «Былааһы кытта…
Бу күннэргэ ТНТ "Битва пикников" ыытар шоу-биэриитигэр Саха сирин чиэһин көмүскээбит "Тыгын Дархан" эрэстэрээн бренд-шеф…
Бу күннэргэ Нерюнгри куоракка Олоҥхо Ыһыаҕын бэлэмин хаамыытын билсэ тэрийэр кэмитиэт анаан тиийэ сырытта. Бырабыыталыстыба…