Андрей Сорокин хаартыскаҕа түһэриитэ, СИА
Ил Дархан Айсен Николаев Петр Шамаевы кытта көрүстэ. Байыаннай дьайыы кыттыылааҕа көрсүһүүгэ доруобуйатын чөлүгэр түһэрэн баран СӨ ыччат дьыалатын уонна социальнай алтыһыытын министиэристибэтигэр үлэтигэр төннөрүн эттэ.
Бу күннэргэ Петр Шамаев ылбыт бааһырыытын кэннитэн эмтэнэ сылдьар.
—Этэҥҥэбин. Массааска сылдьабын, чэбдигирдэр физкултууранан дьарыктанабын. Быраастар сүбэлэринэн ыйыллыбыт уһуннаах сиргэ сүһүөхпүн эрчийэн баттыктаах уонна баттыга суох хаамабын. Эмтэнэн бүтэн баран үлэлииргэ бэлэммин, өр күүппүт Кыайыыбыт кэлэ охсорун туһугар, — диир Петр.
Айсен Николаев Петр Шамаевка үлэтигэр кэлэргэ уонна уопсастыбаҕа туһаны аҕаларга бэлэмин иһин махтанна.
—Саха сирин туһугар өрө көтөҕүллүүлээхтик үлэлииргэр эрэнэбин. Ордук ыччаты кытта уонна патриотическай иитиигэ туһуламмыт наадалаах хайысхаҕа, — диэтэ Ил Дархан.
Петр Шамаев Ил Дархан итэҕэлин иһин махтанна уонна уопсастыба өссө күүскэ сомоҕолоһоругар, патриотическай иитии биир ситимҥэ киирэн күүһүрэригэр кыаҕа баарынан үлэлиргэ эрэннэрдэ.
Санатан эттэххэ, Петр Шамаев 2024 с. күһүн Ийэ дойдутун көмүскүү СВО барбыта. Кини сулууспатын кэмигэр СӨ ыччат дьыалатын уонна социальнай алтыһыытын миниистирин эбээһинэһин Арассыыйа Дьоруойа, «Дьоруойдар кэмнэрэ» бырагыраама кыттыылааҕа Игорь Юргин солбуйда. Кини ыам ыйыттан дойду үөрэҕин министиэристибэтигэр үлэлиир.
Сиһилии: https://www.sakha.gov.ru/news/5931 манна киирэн ааҕыҥ.
СӨ Ил Дарханын уонна Бырабыыталыстыбатын пресс-сулууспата
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…