СӨ ыччат дьыалаларыгар уонна социальнай коммуникацияларга миниистирэ Петр Шамаев саҥа национальнай бырайыак олоххо киириитин уонна ыччат Өрөспүүбүлүкэ күнүн суолтатын өйдүүрүн туһугар санаатын этэр:
— 1922 сыл муус устар 27 күнүгэр, РСФСР Киин Ситэриилээх кэмитиэтин Президиума Саха АССР төрүттэниитин туһунан дэкириэти ылынан, Саха сирэ судаарстыбыннастаах буолуутун бигэргэппитэ. Бу күн өрөспүүбүлүкэбит судаарыстыбаннаһын олохтонуутугар олук уурбут дьоммут Платон Ойуунускай, Максим Аммосов, Исидор Барахов, Степан Аржаков уонна да атыттар, кинилэр улахан үлэни оҥорбуттарын махтана ахтабыт. Бу улуу убайдарбытын үтүө холобур оҥостон эдэр ыччаты уонна кэнэҕэски ыччаты иитиэхтээхпит.
Сахабыт сирин салгыы сайыннарар, дьон-сэргэ олоҕун хаачыстыбатын, уопсустуба култууратын үрдэтэр үлэни ыытарга дойдубут салалтатын өйөбүлэ улахан. Саҥа национальнай бырайыактар чэрчилэринэн көрүллэр үп-харчы, ону таһынан бэйэбит Сахабыт сирин дьоно, эдэр ыччата, өрөспүүбүлүкэбит сайдыытыгар кылаатын уурарыгар кыһаллар кыаҕа баар. Ити курдук «Ыччат уонна оҕо» саҥа нацбырайыак быйылгыттан үлэҕэ киириэхтээҕин туһунан Арассыыйа Бэрэсидьиэнэ Владимир Путин Федеральнай Мунньахха туһаайан эппитэ. Бу бырайыак – дойдубут салалтата ыччакка улаханнык итэҕэйэрин көрдөрөр. Маны биһиги тыа сиригэр ыччат олоҕун тупсарарга, саҥа сүүрээни киллэрии туһунан толкуйдаан сөпкө туһаныахпытын наада. Куорат киинин уонна тыа сирин тэҥҥэ сайыннарар үлэ бардаҕына – биһиги сайдыы суолугар эрэллээхтик үктэниэхпит.
Сахам сирин дьоно, эдэр ыччата, бу үтүө бэлиэ күн суолтатын, олохпут таһыма үрдүүрэ хас биирдиибититтэн тутулуктааҕын өйдөөн, өрөспүүбүлүкэбит уопсастыбата сайдарын туһугар күүспүтүн түмэн үлэлиэххэ-хамсыахха диэн ыҥырабын.
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…
Хатырык нэһилиэгин землячествота биир дойдулаахтарыгар көмөлөһөн, АГАТУга гуманитарнай көмөнү хомуйар анал пууну тэрийбитэ. Бу пууҥҥа…
Сарсын, ыам ыйын 21 күнүттэн, Дьокуускай — Аллараа Бэстээх маршрутунан салгын суудунанан таһыы тарыыба түһэн,…
Билигин ыам ыйыгар ырыынактарынан арассаада үүннэрэр усулуобуйата, солото суох киһи ырыынакка баран атыылаһара чуолкай. Ол…