Петр Шамаев Үөһээ Халымаҕа байыаннай дьайыы бэтэрээннэрин уонна ыччаты кытта көрүстэ

Үөһээ Халымаҕа бырабыыталыстыба отчуотун кэмигэр СӨ Ыччат дьыалаларыгар уонна социальнай коммуникацияларга миниистирэ, «Биир ньыгыл Арассыыйа» баартыйа Эрэгийиэннээҕи Президиумун бэлитиичэскэй сэбиэтин чилиэнэ Петр Шамаев байыаннай дьайыы бэтэрээннэрин уонна эдэр исписэлиистэри кытта көрүстэ.

«Байыаннай дьайыы бэтэрээннэрэ оройуоҥҥа «Аҕа дойдуну көмүскээччилэр» пуонда филиалын арыйар туһунан боппуруоһу көтөхтүлэр, оттон эдэр исписэлиистэр — түргэн интэриниэти уонна ыччакка чэпчэтиилээх авиабилиэттэри. Интэриниэт боппуруоһа 2027 сыл бүтүүтэ «Синергия Арктики» бырайыак иитинэн быһаарыллара күүтүллэр. Киирбит ыйытыыларынан үлэлиэхпит», — диэн миниистир бэлиэтээн этэр.

Оробуочай бөлөх үс гына арахсан, оройуон нэһилиэнньэлээх пууннарынан барытынан сылдьар. Петр Шамаев Угольнайга, Арыылаахха уонна Зырянка бөһүөлэгэр үлэлээтэ.

«Ил Дархан Айсен Николаев бырабыыталыстыба отчуотун нэһилиэктэринэн ыытыллара олус суолталааҕын уонна туһалааҕын бэлиэтиир, бу олохтоохтор уонна былаас уорганнара кэпсэтэллэригэр, сибээс олохтуулларыгар наада», — диэн Петр Шамаев этэр.

Сиһилии: https://www.sakha.gov.ru/news/20371