PG.ER.RU суукканы эргиччи уонна суотабайтан эмиэ куоластыахха сөп

«Биир ньыгыл Арассыыйа» баартыйа барыллаан куоластааһына салҕанар. Ыам ыйын 28 күнүгэр диэри ким баҕарар куоластааһыҥҥа кыттыан сөп. Онтон баартыйа ханнык хандьыдааттары күһүн туруорара быһаарыллыа.

«Биир ньыгыл Арассыыйа» баартыйа дьон итэҕэлин ылбыт хандьыдааттары быыбарга туруорар соҕотох бартыйа. Ол курдук аны күһүҥҥү быыбарга нэһилиэнньэ өйөбүлүн ылбыт хандьыдааттар баартыйаттан туруохтара.

— Өрөспүүбүлүкэ олохтоохторо барыллаан куоластааһыҥҥа көхтөөхтүк кытталлар. Бүгүн күнүс үс чааска 20 тыһыынчаттан тахса киһи куоластаата, бу үрдүк көрдөрүү буолар. Саха сирин арктическай орйуоннарын олохтоохторо куоластыылларыгар 49 пуун үлэлиир. Ону таһынан PG.ER.RU сайтка регистрацияланарга көмөлөһөр Дьокуускай куоракка 20 пуун баар. Саха сирин олохтоохторун «Биир ньыгыл Арассыыйа» баартыйа барыллаан куоластааһыныгар кыттыҥ, сөптөөх хандьыдааты талыҥ диэн ыҥырыам этэ, — диэн «Биир ньыгыл Арассыыйа» баартыйа эрэгийиэннээҕи исполкомун салайааччыта Руслан Платонов кэпсээтэ.

Санатар буоллахха, барыллаан куоластааһын ыам ыйын 22-28 күннэригэр PG.ER.RU сайтка электроннай форматынан ыытылла турар. Быыбардааччы быһыытынан ыам ыйын 26 күнүгэр диэри ити порталга регистрацияланыаххын сөп.

Сайтка киирии маннык:

1. PG.ER.RU сайтка киирэҕит уонна «Приступить к голосованию» баттыыгыт.

2. Ол кэннэ систиэмэҕэ киириини баттыыгыт. Регистрацияланаргар суруйбут төлөпүөҥҥэ СМС-пароль кэлиэ, ону систиэмэҕэ киирэргэ суруйан бигэргэтэҕин.

3. Салгыы куоластыыр бүлүтүөнү талан баран, куоласкын биэрэр хандьыдааккын бэлиэтиигин уонна «Подтвердить выбор» кнопканы баттыыгын.

4. Графаны барытын сөпкө толорбуккун көр. Ол кэннэ «Зашифровать и отправить бюллетень» диэни баттаа.