Уруһуй СӨ Экологияҕа министиэристибэтиттэн
Арассыыйа Бэрэсидьиэнэ Владимир Путин ыйааҕынан тэриллибит «Беспилотнай авиационнай системалар» национальнай бырайыак чэрчитинэн, 2025 сылга ойуур баһаардарын кэтээн көрөргө 39 пилота суох көтөр аппараат атыылаһыллыбыта диэн СӨ Экологияҕа министиэристибэтэ иһитиннэрэр.
Санатар буоллахха, пилота суох көтөр аппарааттар Амма, Бүлүү, Нерюнгри, Өлүөхүмэ, Сунтаар уонна Уус Алдан улуустарын ойуурдарын баһаардарын умуруорууга күүскэ туттуллубуттара.
Пилота суох көтөр аппарааттар баһаар төһө кэриҥнээҕин көрөргө, уот сири төһө хаппытын сыаналыырга уонна баһаары умуруоруу хайдах барыахтааҕын былаанныырга, күүстэри уонна тиэхиньикэни туһаныыга туттуллубуттара. Бу ойуур баһаардарын умуруоруу үлэтин көдьүүстээх оҥорбута.
«Ааспыт сыл түмүктэрэ көрдөрбүтүнэн, балаһыанньа үчүгэй өттүгэр уларыйбыт: умайбыт тыа иэнэ 2024 сыллааҕар 20 төгүл аҕыйаата. Баһаардар 64 бырыһыаннара бастакы суукка иһигэр умуруоруллубуттара. Маннык үчүгэй уларыйыылар пилота суох көтөр аппарааттар курдук, саҥа тиэхэньиичэскэй ньымалары киллэрии түмүгэр кыалыннылар. 2026 сылга пилота суох көтөр аппарааттары баһаардары утары охсуһууга күүскэ туттууну салҕыахпыт», — диэн Ойууру чөлүгэр түһэрии уонна харыстааһын департаменын салайааччыта Николай Никитин бэлиэтээтэ.
Николай Васильевич эппитинэн, Эдьигээн уонна Орто Халыма улуустарыгар СӨ Экологияҕа министиэристибэтин саҥа авиахайысхаларыгар үлэһиттэри хомуйуу салҕанар: «Биһиги авиабөлөх салайааччыларын, парашютист-десантниктары, араадьыйа ыстаансыйатын оператордарын уонна суоппардары үлэҕэ ыҥырабыт. Үлэлиир баҕалаахтары биһиги кэллэктииптэрбитигэр ыҥырабыт».
Бүгүн СӨ бырабыыталыстыбатын бэрэссэдээтэлин солбуйааччы Сергей Местников салайыытынан Култуурунай нэһилиэстибэ эбийиэктэрин харыстыыр управление 2025 сыллааҕы…
Хаҥалас улууһун дэлэгээссийэтэ улуус баһылыга Сергей Гребнев салалтатынан байыаннай дьайыы буола турар сиригэр айаннаата. Дэлэгээссийэҕэ…
Ил Дархан Айсен Николаев "Россия24" ханаалга "Быһа кэпсэтии" биэриигэ тохсунньу 22 күнүгэр Амма улууһугар барарын…
Бүгүн, тохсунньу 20 күнүгэр, Дьокуускайга баар "Россия -- моя история" устуоруйа пааркатын таһыгар 16 саастаах…
Тохсунньу 18 күнүгэр Күҥҥэ X1.95 кылаастаах улахан эстии буолбута. Ол протоннара Сиргэ тиийэн кэлэн, бүгүн…
Олунньуттан Саха сиригэр бырабыыталыстыба отчуота саҕаланыаҕа. Отчуоттар үгэс быһыытынан, сирэй көрсөн ыытыллыахтара диэн «Быһа кэпсэтии»…