Хаартыска: социальнай ситимтэн.
Балаҕан ыйын 14 күнэ үүнэр түүнүгэр «Якутия» авиахампаанньа пилоттара Алексей Дегтярев уонна Михаил Ермолаев сөмөлүөт иһиттэн дьүкээбили хаартыскаҕа түһэрдилэр.
Кинилэр бу кэмҥэ Санкт-Петербург куораттан Дьокуускайга диэри көтөн испиттэр. Дьокуускайга чугаһаан иһэн, халлаан бүтүннүү суһумнуур, дьүкээбил үҥкүүлүүр кэрэ көстүүтүн көрбүттэр. Былыт үрдүттэн чугас буолан, дьүкээбил өссө үчүгэйдик көстөр эбит.
Бу бэрт сэдэх көстүү буолар. Мурманскай диэки көтөр сөмөлүөттэр пилоттара, пассажирдара биирдэ эмит көрүөхтэрин сөп. Үгүс туристар дьүкээбили көрөөрү Европа хотугу дойдуларыгар бас быстар сыанатын төлөөн туран, бараллар, кэтииллэр.
Урут дьүкээбил Саха сиригэр кыһыҥҥы кэмҥэ эрэ уонна хотугу эргимтэҕэ көстөр буоллаҕына, кэнники кэмҥэ киин улуустарга кытта сайыннары көстөр буолла. Ол иһин сөмөлүөттэн көрөр, хаартыскаҕа түһэрэр сэдэх түгэн тосхойдоҕо.
Балаҕан ыйын 12 күнэ үүнэр түүнүгэр Дьокуускай үрдүнэн эмиэ дьүкээбил суһумнаабыта. Бу Күҥҥэ эстиилэр тахсан, Сиргэ магнитнай буурҕа саҕаламмытын туоһута буолар. Онон бу күннэргэ дьүкээбил эмиэ көстүөн сөп.
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…