Пиротехниканы туттууга сэрэхтээх буолуҥ!

Саҥа дьыл буолара чугаһаан, ыал ахсын киэргэммит харыйа туруорулунна, гирлянда уота сандаарда. Билигин маҕаһыыннарга, ырыынактарга фейерверктэри, араас пиротехниканы хото атыылаан эрэллэр.

Пиротехниканы, фейерверктэри хайаан даҕаны анал маҕаһыыннартан, фирмалартан ылар ордук диэн баһаарынай сулууспа үлэһиттэрэ этэллэр.

Ол курдук, бастатан туран, атыылаһаргытыгар хаачыстыбаны туоһулуур сэртипикээти көрүҥ. Суох буоллаҕына, маннык табаары атыыласпатах ордук. Түбэһиэх интэриниэт-маҕаһыыннартан эмиэ ылбат ордук.

Иккиһинэн, пиротехника, фейерверк туттуллуохтаах болдьоҕун, инструкциятын болҕойон ааҕыҥ. Болдьоҕо ааспыт буоллаҕына, атыылаһымаҥ.

Үсүһүнэн, оҕолоргутун пиротехникаҕа чугаһатымаҥ, фейерверктэри ыттарымаҥ.

Төрдүһүнэн, пиротехниканы таһырдьа, аһаҕас эрэ сиргэ ытыллыахтаах. Дьиэлэртэн, уот ситимнэриттэн 50-100 миэтэрэ тэйиччи ыраах сиргэ. Куораттарга анал ыйыллыбыт сирдэринэн.